Popular Bible Verses from Yoanɛ 12

Share

Se zo aye lingɔ kwa hɛ̃ mbi ko, ale lo ga, e na lo e ɔ ndoni kɔi, wadila ndo ko mbi du da ko, wa kwa tɛ mbi adu nga da. To mbi ndogonda zo mɛ ndoli kwa hɛ̃ mbi.”

Zo ko aye batangɔ du tɛ lo na lo tɛ lo nvɛni ko, tɔrɔ tɛrɛ lo na kpingɔ. Wa zo ko akɛ̃ du tɛ lo na lo tɛ mbi so lɛ sese olo ko, lo na luangɔ du ti kaka.

Mbi pa hɛ̃ ĩ ti beta tɛnɛ ya, se le tɛ ati ka lɛ sese azɔ̃, wadila adú le mɛ ndɛ̃ gba, wa se ta le tɛ ni ati ka lɛ sese azɔ̃ ma ko, ta alengbi ti dúngɔ le mɛ ndɛ̃ ma.

Mbi ga ge lɛ sese so vurungɔ na ndo ya, zo zu ko la aye lo tɛ mbi ko, ta lo ngba na ya mbingo ma.

Se zo ama tɛnɛ tɛ mbi, ko ta lo tɔndɔ ni ma ko, ta mbi la na fangɔ ngbanga bingɔ li lo ma, ta sanga ma, ta mbi ga ge lɛ sese so fangɔ ngbanga bingɔ li azi ma, kanda mbi ga so songɔ azi.

La Maria amu yɔmbɔ mɛ na punda litrɛ, akĩkĩ na gɛrɛ Yezo. Alɛkɛ yɔmbɔ ni na beta ngu kɛkɛ mɛ ili ni la nardɛ, yɔmbɔ ni ko ndoti faranga ma wo ma. So pɛni, Maria afu kwa li lo nvɛni, ambo na gɛrɛ Yezo. Yɔmbɔ ni afũ mbɔ̃ amu ya da kwe zu.

La ala lɔ anzango mburu, anɔ angoro lo. Ala dɛrɛ kɔngɔ ya: “E gonda Gbia Nzapa o! Nzapa asunu bɛ zo olo tɛrɛ gangɔ na ili lo ma ke! Nzapa asunu bɛ Gbia tɛ awa Izrayɛlɛ ma ke!”

La Yezo agbinya hɛ̃ la ya: “Na olo ko, ngoi ti Nzapa hɛ̃ngɔ mbi Nyi lo ndima alengbi wɛ.