Popular Bible Verses from Apocalípsis 6

Share

Tsaynö niptin rikachakunqächömi bäyu bestiata rikarqä. Montaqninpanam shutin karqan Wañuy. Paypa qepantanam Hades shamurqan. Ishkanmi yarqayämurqan runakunata espädawan, muchuywan, qeshyaywan y chucaru wätakunawan wañutsiyänanpaq. Tsaymi poderyuq kayarqan cuarta parti runakunata wañutsiyänanpaq.

Tsaynö niptin rikachakunqächömi yuraq bestiata rikarqä. Montaqninnam flëchan aptashqa karqan. Paymi corönata chaskiskir Dios Yayapa contrankunata vencir ushakätsinanpaq aywarqan.

Rölluchö pitsqa kaq laqaraykaq sëlluta Cordëru jipiskiptinmi almakuna altar chakinchö kaykaqta rikarqä. Tsay almakunam kayarqan Diospa willakuyninta cäsuyanqanpita y Jesucristuman creyikuyanqanpita wañutsishqa runakunapa almankuna.

Paykunam jinchi niyarqan: <<Ninqaykikunata cumpliq santu Dios Yaya, ¿imaytan wañutsiyämaq runakunata juzganki?>> Tsaymi Dios Yaya nirqan: <<Shuyaykuyay. Qamkuna wañuyanqaykinöllam wakin creyikamuqkunapis wañuyanqa>>. Tsaynö nirmi tsay almakunata yuraq llatapata shukutsirqan.

Tsaynö niptinmi puka bestia yarqamurqan. Montaqninnam jatun espädata chaskiskir runakuna chikinakur kikinkunapura wañutsinakuyänanpaq aywarqan.

¡Llapan runakunata castigananpaq tiempu chämushqanam! ¡Dios Yayapa castïguntaqa manam ni pipis awantanqatsu!>>

Rölluchö soqta kaq laqaraykaq sëlluta Cordëru jipiskiptinmi patsa alläpa kuyurqan. Tsay höram rupay yanayar lütu tëlanö tikraqta y killapis yawarnö kaykaqta rikarqä. Alläpa wayraptin hïgus shikwamuqnöraqmi qoyllurkunapis ciëlupita shikwayämurqan.

Rölluchö kimsa kaq laqaraykaq sëlluta Cordëru jipiskiptinmi puntanchö chusku kawaqkunapita juknin qayakur nirqan: <<¡Shamuy!>> Tsaynö niptin rikachakunqächömi yana bestia yarqaykämuqta rikarqä. Montaqninnam balanzan aptashqa karqan. Tsaymi tsay chusku kawaqkunapa chawpinpita parlamuqta wiyarqä: <<¡Muchuymi kanqa! Tsaymi juk junaq arur gänayanqanpis juk kïlu trïguta o kimsa kïlu cebädata rantiyänanllapaq paqtanqa. Peru aceititawan vïnutaqa ama ushakätsiytsu>>.

Ciëlupis röllunö lluyllukarmi ushakarqan. Jirkakunawan lamarchö islakunapis juklämanmi witiyarqan. Kay patsachö reykuna, rïcukuna, mandakuq soldädukuna, servikuqkuna y wakin runakunapis qaqakunaman y machaykunamanmi tsinkakuyarqan.