Popular Bible Verses from MAKO 7

Share

Mwomwo mutulo, mumicima yavatu, mukiko vene mweji kufumanga vixinganyeka vyavipi, namaujila, nakwiva, nakujiha vatu, namakoji, navilinga vyalukamakama, navyevi vyakuhuka, namakuli, nakuzunguma, naliso lyalipi, natusautu, nautangalaji, nakuhulama. Vyavipi vyosenevi vyeji kufumanga mutulo, nakumujilulula mutu.

Kakwexi cuma cakuweluka wamutu nacihasa kumujilulula hakwingila muli ikiyeko, oloze evi nayilovoka muli mutu, vikiko vene vize vyakumujilulula mutu.

Ikiye avambile ngwenyi, Isaya ahanjikile kanawa naupolofweto nakumivulukenu vaka-kulyonga, nge muze vasoneka ngwavo, Vatu ava veji kunguvumbikanga namivumbo yavo kaha, Oloze micima yavo yili kwakusuku nayAmi.

Oloze veji kungulemesanga tuhu camokomoko, Mwomwo kukunangula cavo veji kunangulanga jiximbi javatu kaha, xikaho.

Enu Jiximbi jaKalunga mweji kujisezanga nakulinjililovyo vamisela kuli vatu kulama.