Popular Bible Verses from Luka 12

Share

En komio wuda miero ibedunu di itiekunu iikere, pien Wot ka dano bino ngoole dwogo iesawa kame wun likame ingeunu.”

Do akaka mano, mounu kong Ajakanut ka Rubanga, di do gigi da ko bino bedo megu.

Di en eko waco ne gi be, “Gwokerenu ki kom par dedede pi jame; pien likame kuo me dano cungo i kom rom me jame kame en etie kede.”

Pien kakame abar ni tie iye, en kame cunyi da bino bedo iye.

Ngai ber kikom wu, pi bedo kede par atot, etwero medo ceng mege me kuo?

Di Yesu oko waco ne josiao mege be, “Pi mano, ango awaco ne wu be, kur ibedunu kede par pi kuo wu, pi gikame ibinunu camo, arabo pi komu, pi gikame ibinunu ngapo.

Kiton yer me wi wu da kotieko maro. Kur ibedunu kede lworo moro; pien wun piru tek kalamo omobilo atot.

“Kur ibedunu kede lworo, in ekodet atitidi, pien Papa wu tie kede yomcuny pi mino wu Ajakanut.

Nenunu ber agak, gin likame kicuo kodi, doko likame kikao da; gin ki li kede ude me kano cam arabo dere, do Rubanga pito gi. Do wun piru tek kalamo winy tien adi!

“Pi mano, kur ibedunu mono giacama kede giamata, doko kur ibedunu kede par i cunyu.

Aso, ka Rubanga ngapo lum kame kuo i itela tin, diki di doko oko wango gi i mac, nan do ebino ngapo wu kalamo gin tien adi. Yei wu tin nok benyo!

Likame tie gimoro kame koumo, kalikame kobino nyuto kakaler, doko likame tie gimoro kame kokano kalikame bino ngere.