Popular Bible Verses from Tice 4

Share

Doko likame tie ngatamoro kame wan otwero udo alako kibute, pien likame tie nying moro i piny kan kame kotieko mino jo, kame mio wa alako.”

Kakame kitieko kede ilega, kabedo kame gin oudo kicokere iye nono oko yangere, di gin dedede kiko pong kede Tipo Kacil, kiko donyo yamo kop ka Rubanga kede nwangcuny.

Okwe Rwot, nan do nen ber epone kame gin kitie wowono wa kede, di iko mino jotic ni nwangcuny me yamo abongo lworo moro.

Man en kidi kame bin wun jogedo idagunu, kame nan oko lokere odoko kidi kame pire tek me esonda.

Kakame kineno kede nwangcuny ka Petero kede Yokana, kede bobo di oudo kiniang be gin kibedo jo atatai kalikame osomo, kiko uro; di kiko ngeno be Petero kede Yokana oudo obedo kede Yesu.

Ekodet me jokoyei Kirisito oudo tie kede tam acel kede cuny da acel. Likame tie ngatamoro kikom gi kame oudo waco be gikame en etie kede obedo mere kene, do gin oudo kinywako jamini dedede karacel.