Popular Bible Verses from Matesu 26

Share

Langidilenu, mu sambe, phala ki mu di bhale mu mubhetu ua Nguma. Nzumbi ia xikina kidi o kùlua ni jitendasá, maji o xitu-phe ia bhuila.

Anga ua ambela ene, uixi: Muẋima ua ngi kala kiavulu ni malamba, bhulu-bhulu dia kùfua. Xalenu bhabha, mu ngi langidise.

Anga u sondoloka-bhu kòfele, u fukama, u ta pholo bhoxi, hé u samba, uixi: Tata iami, se ki xikina, dikáu dienhidi dia phaxi iíi, ngi katule-diu. Maji-phe ki ngi sola eme, kana, inda ki u sola eie.

Kuma iá ene o manhinga mami, ma di zunza mukonda dia mundu phala kuloloka o ituxi. Mene o manhinga ma kuatesa o Kikutu Kióbhe bhu kaxi ka athu ni Nzambi.

O kia kala mù kúdia, Jezú u katula mbolo, u sakidila Nzambi, hé u i bukujula, anga u i uanena jixibulu, uixi: Amenu, mu die. Uene o mukutu uami.

Anga u katula kopho, u sakidila Nzambi, anga u a bhana, uixi: Nuenuku enuenu oso.

Anga uiza ku jixibulu, u sanga aii ku kilu; anga u ambela Phetele, uixi: Kífua ni ku ngi langidisa ola imoxi, ku tena?

Ngi mi ambela-phe: Tunde kiki, ku sumu ia muvide ki ngà ka nua-ku dingi, katé ki nga kà i nua ia ubhe, ni enu kiá kumoxi, ku mbanza ia Tata iami.

Phetele anga u tukumuka o maka ma tangele Jezú, kuila: Kioso o dikolombolo kiluua di kokola, eie ua-nda ku ngi dituna lutatu. Anga u tubhuka, u dila kisoxi kiavulu.

Fundumukenu, tuienu-tu, kuma muène ua ngi thelekala, iú uizʼú kiá.

Jezú anga u mu ambela, uixi: Fomeka dingi o xibhata ié mu kizu. Kuma oso a katula xibhata, a kà fua ku xibhata.