Popular Bible Verses from Matesu 24

Share

Mukonda dia úsueia kuvula, ku kala athu avulu, oʼhenda iâ i zonda. Maji uoso-phe u kolokota katé bhu dizubhilu, muène uà bhuluka.

O Njimbu iíi Iambote ia Utuminu ua Nzambi, ia bhingi ku i tula mu ngongo ioso, mu kubhana umbangi ku akua jixi joso; kiene kiua kia kèza dizubhilu.

Muà kèvua ita, ni jingolokela ja ita; talenu, miẋima ki i mi titile. Mbata ima iíi ia bhingi i dianga kubhita, maji ki diene luua o dizubhilu.

Mbata akua ʼxi imoxi a kà di kuata ni akua ʼxi iamukuá; kilômbo kia kà balukila kilômbo kiamukuá; kua kà kala nzala, ni oxi kutunguta mu ididi iavulu. Ima ioso iii-phe dimatekenu ngó dia malamba, kala misusu ia muhatu ua-nda kuvuala.

Oxi ia kà jimuka, ni diulu, o Maka mami-phe, ki mà jimuka.

Kuma avulu à keza mu dijina diami ni kuila: Eme ngi Kristu! A kà jimbidisa athu avulu.

Kienhókio, a kà mi bhakula mu ku mi talesa hadi, ni ku mi èlesa, ni ku mi jibha. A kà mi zemba kuala akua jixi joso mukonda dia dijina diami. Kienhókio, avulu à keha kuxikana, hé a kà di bhala. A kà di bhanga ufe, a kà di zemba mudiâ. Bhua kà tukuluka jipolofeta javulu ja makutu, ji kala mu jimbidisa mundu uavulu.

Jezú anga u a vutuila, uixi: Alukenu, kana muthu a mi jimbidise.

Kienhiki, enu uenu kalenu polondo. Mbata kithangana ki mua ki fikile, kiene kia kà tukuluka o Monʼa Muthu.

Langidilenu-phe! Mbata kizuua kià keza Ngana ienu ki mua kʼijiia.

Kizuuʼ okio-phe ni kithangana kiê, kana kuthu ua kʼijiia, né ji-anju mu diulu, né o Mona, kikale Tata muène ngó.

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Uila kia kexile mu izuua ia Noué, ni kia kà tukuluka Monʼa Muthu ue kiene. Mbata kia kexile mu izuuʼomo, kioso dilúviu kiluua diza, a kala mu kúdia, a kala mu kúnua, ahatu ni mala a kala mu sakana, a bhana mu sakana, katé kizuua kia bokona Noué mu álaka. Kejidile kima katé dilúviu dia menha ki dia tula dí dia a kungulula ene oso. Ni kia kà tukuluka Monʼa Muthu ue kiene.