Popular Bible Verses from Matesu 23

Share

Uoso-phe dikota mudienu, a kale ngàmba ienu.

Uoso u di zangeleka, a kà mu tululula; ni ió uoso u di tolesa, a kà mu zangeleka.

Lamba dienu mu jimesene ja kulonga o Kitumu ni enu mu jifalizeu, mu akua mangonha! Kuma mu bhana kua Nzambi o dijimu katé ni dia olatelá, ni tu máfue dingi tua kutoua ni tua kominhu; maji ima-phe ia kidi, ia kate, ku Kitumu, o kufundisa mu kidi, o kukuatela henda, o kukumbidila, mu kamba ku i bhanga; hinu o iíi mua i bhange, o ioio ue ki i kambe.

Lambadienu, mu jimesene ja Kitumu ni enu mu jifalizeu, mu akua mangonha! Kuma mu zelesa ku kanga dia kopho ni dilonga, moxi-phe muezala uíi, ni ufumbe, ni uhôlua.

Uaué! Jeluzaleme, Jeluzaleme tata! Ua bhingi jipolofeta u ji jibha, akunji a tuma Nzambi ko-kué, éʼ u a bûba ni matadi! Lukuxi luosʼulu lu ngandalele kubhongolola anʼé kumoxi, kala sanji ki i bhongolola tuana tuê moxi a mabhabha, enu-phe nguenu!

Enu uenu kiene ki muala! Ku kanga athu a mi mona kuma mua iuka, moxi-phe muezala mangonha ni úsueia, ni ituxi ioso.