Popular Bible Verses from Luka 6

Share

Bhanenu akuenu, enu uenu Nzambi a mi bhane. Kienhiki-phe Nzambi ua-nda ku mi bhana kizongelu kiambote, kiòbate, kiòsakese, kia ẋamuka, a mi bhana bhu homba ienu. Mukonda ioso o nzôngo i mua zongela akuenu, iene ue Nzambi ia mi zongela enuʼenu.

Muthu uambote, ku mbote ia mu vudila mu muẋima, u tubhula ima iambote; o kifusa, ku ufusa ua mu vudila mu muẋima, u tubhula ima iaiibha. Mukonda kioso kia vudila ku muẋima, kiene ki tanga o dikanu.

Zolenu-phe o jinguma jenu, a bhangienu o mbote. Sobhesenu, sé ngó kukakula muthu mba mu kinga ku mi vutuila ki mua sobhesa. O kisakidilu kienu anga ki kala kia dikota, hé mu kala mu anʼa Nzambi ia Diulu. Mukonda muène mukua kulendukila athu a kambe kusakidila, a bhukumuka.

Kalenu mu akua henda, kala kiene Tatʼenu mukua henda.

Ki mu fike akuenu, phala enu uenu ka mi fike; ki mu êlese akuenu, phala enu uenu ka mi êlese; lolokenu akuenu, enu uenu Nzambi a mi loloke.

Eme-phe ngi mi ambela, oso muala kuívua: Zolenu jinguma jenu; oso a mi zembe, a bhangienu o mbote. Benzelenu oso a mi bhubhidila; Sambelenu oso a mi bhana o malebhu.

Kioso ki mua mesena athu a mi bhanga-kiu enu, kiene ue muene ki mu a bhanga ene.

Uoso u ku bhana huxi ku ditama dimoxi, mu bhane ue ni dia mukuá. O ua ku tambula dibeka, ni mbinza ku mu fudise-iu. Ua ku bhingi, mu bhane; o ua ku ambata imbamba ié, ku mu ibhule-iu dingi.

Mukonda kana-ku muxi ua uabha uima kibundu kiaiibha; kana-ku ue muxi uaiibha uima kibundu kiauabha.

Mukonda muxi a uijidila ku ibundu iê. Ku minha kène kukanza-ku jifiku, o ku musonge ki ku kala ji-uva.