Popular Bible Verses from Luka 5

Share

Kia zumbuka o kuzuela, uambela Xima, uixi: Tabhula-ku dingi ku musanza kuala menha a zongo, eie ni akuenu, mu te manda mu kutamba.

Kuala Ximá: Mesene, tua kalakala usuku uoso, ki tu kuata kima. Maji kuma eie ua kiambe, eme nga-nda kutumaka, tu ta dingi o manda. O kia zubha-phe ku ma ta, muafu ndumba ia jimbiji; o manda anga ma sota kutanduka.

Muène-phe u kala mu kuomboloka, uia mu mikáu ia hatu mu kusamba.

Eme ki ngeza mú kuixana athu aiuka, ngeza mú kuixana akua-ituxi, nʼa diele ituxi iâ.

Ximá Phetele-phe kia ki mono, u fukama bhu inama ia Jezú, uixi: Ngi tundile, Ngana, bhu mbandu iami, mukonda eme ngi mukua ituxi.

Jezú anga u a vutuila, uixi: Oso a disanze ka bhindamena kimbanda (musaki), a mu bhindamena ió a kate.

Ene kia zubha kubhixidisa o jibote ku kibumu, iene ioso a ixa, a kaiela Jezú.

Jezú kia kala mu mbanza imoxi kuenhoko, bhu kala muthu, mukutu uê uoso uala kikunzu, o kia mono Jezú anga u di fidimika pholo bhoxi, u mu dionda, uixi: Ngana, Eie ki u ki mesena, ua ki soko, o ku ngi bhana kudisanza. Jezú anga u sunununa lúkuaku, u mu babata, uixi: Nga mesena muene, disanze. Kithanganʼokio kikunzu kiê kia-bhu.

Sumbala Jezú uazuela kiki, fuma ie-phe hanji iaii ni kusambuka ku mbandu joso, o ifuẋi iavulu anga i kala mù kuiza ku mu ívua, ni ku a saka o mauhaxi mâ moso.