Popular Bible Verses from Malko 13

Share

Nemwe mulutuwiwa na antu yoshi ukwizina lyane. Leelo uwacha walemasya fika ni chisila, uwino alufyuka.

“Tekelini, muchesye; kuno mutamanyile uluwa li.

Na pano yacha yamusenda nu kumusongelela, mutachelengula chino mwaulanda pao kwene, lyonsi lino mwacha mwanenwa lilandini, kuno asi mwemwe mululanda, leelo uMweso Nswefu.

Iyulu ni nsi vilusila, leelo amaswi yane yatalusila nanti uche.

Leelo ukumanya kwa wanda ulye na pano chafika, kusi wino amanyile, nanti ayamalaika ya mwiyulu, nanti uMwana, leelo Tata mpela.

Nemwe pano mwapulika isumo ni mpwepwe zyi isumo, mutachopa; kuno fiyo vilwisa, leelo impelelekezyo ichili.

Mutachilala leelo, kuno mutamanyile pano unkola ng'anda alwiza, ngi amanguzi nanti usiku apakasi, nanti pali ya nkolwa, nanti katondo-tondo. Atisa suwa amusane umulala. Naliyo ndumunena mwemwe, namunena mwensi: Mutachilala.”

Kuno antu yalukatuka ukulwa na antu, nu wene ulukatuka ukulwa nu wene; kuluwa ivitetema vya nsi mûntu-mûntu, kulupona inzala; ifintu vi uli ntangulo ya machulo.

Ni ntangulo iswi-zipe litane lisundwe uku yantu yoshi.

Ainji yalwiza ukwizina lyane, angi yaluti: “Nene nkola,’ nayo yaluzosya ainji.

“Nemwe chenjelini; kuno yalumutwala apa yakombe nu um-mang'anda yi Leesa yalumuma, nemwe mulutwalwa pali yano yamulâsile na yene ukwizina lyane, ukuwu syuta kuno yali.

Kuno yalwisa aklisto-ya-ufi, na malau ya ufi. Yaluchita ivipezya-mano ni vizunguko, kuti yamuzosye nasolola kwene ndi chingawa.

“Lelo amanda yalye, ichisila cha machulo yao, ilanzi lilufitokela, nu mwezi utaluwala. Ni ntanda zya mwiyulu zilupona, na maka yano yali umwiyulu yalutelengana.