Popular Bible Verses from Roma 8

Share

kogwon yi deden adi ŋutu logon nyanyar Ŋun, logon nye a luŋun gwoso i yeyeet nanyit kulo, Ŋun kikita ko se i ŋo liŋ i tetenakiŋdya na se ŋo na ’but.

Kogwon nan a den ’bura adi nene ŋo ’bayin nagon bubulö koraddu yi kaŋo, kode twan, kode ru, kode malaikajin, kode tokimakan, kode ŋo ti na diŋit, kode ŋo ti molu, kode riŋitön, kode mulökö ti köbuŋöt, kode mulökö ti toŋolu na kak, kode nene ŋo i ŋo liŋ nagon a gweya kune, iŋkoi, nene ŋo ’bayin kwöŋ nagon bubulö koraddu yi kaŋo i nyaŋu na Ŋun na yi na gwon ko Kristo Yesu Matat likaŋ i mugun na.

Köti sona Mulökötyo Loke ŋaŋarakin tomunyan nikaŋ, kogwon yi ti den koyi ködyö muluŋdyö nyo, köti koyi ködyö kwakwaddu ada, ama Mulökötyo lepeŋ lo kwa kwa sakiŋdya yi ko ’du ’duatu ’bak jambu kulyaesi.

Nyena a yi de kulyani ada i kine kulya? Ko Ŋun gwon kayaŋ i swöt, a ŋa lo ŋisani koyi?

Nyenagon soŋinana ŋutu logongwe ko Kristo Yesu i mugun kilo tine ’duŋöki putet riŋet.

Ko ŋuto tiŋdu töili lonyit i kulya ti gwiliŋit lo na kak, ŋina jakiŋdya lepeŋ twan, ama ko ŋuto tiŋdu töili lonyit i kulya ti Mulökötyo Loke, ŋina jakiŋdya lepeŋ ru se ko taliŋ.

’Bayin, kine ŋo ti bulö koraddu yi kaŋo ko Kristo, kogwon i kine kulya liŋ yi a katelak parik kogwon nye logon nyanyar yi lo.

Kogwon nan yeyeju adi ŋoŋesi ti na diŋit kune ti jukin töjowe ko minyo logon mo kwekweki yi lo.

Nyo nagon bubulö koraddu yi kaŋo i nyaŋu na Kristo na yi? Ŋona a yöyöŋesi le? ’Bayin. Kode gwon i nagusu? ’Bayin. Kode tolomerian? ’Bayin. Kode sasanyesi? ’Bayin. Kode dyaŋ? ’Bayin. Kode gwon a limu kana? ’Bayin. Kode gwon i kutuk na twan? ’Bayin. Kode tatua ko baŋdu? ’Bayin.

Ŋun logon gaga ’yu töilyet ti ŋutu lo, lepeŋ deden ko yeyeet na Mulökötyo gwon ada, kogwon Mulökötyo mumulukiŋdyö ŋutu ti Ŋun gwoso nagon Ŋun ’de ’dekan na

Kogwon ŋutu liŋ logon Mulökötyo lo Ŋun lo nyömöddu kilo, lepeŋat a ŋwajik ti Ŋun.

Kogwon ŋutu logon gwolor gwosoi ’dekesi kase ti mugunya ti na kak kulo, lepeŋat tiŋdu toilyet kase i kulya ti gwiliŋit lo na kak, ama se logon gwolor gwoso nagon Mulökötyo ’de ’dekan kulo, lepeŋat tiŋdu töilyet kase i kulya ti Mulökötyo.

Lepeŋ a ko renya tiŋdu Ŋuro lonyit gwak, ama nye a wukin lepeŋ kogwon yi liŋ. A ko lepeŋ a koŋdya sona, nye ŋona mo ti tikin yi ŋo liŋ abur ko lepeŋ i pirit na geleŋ le?

I ŋina Mulökötyo lepeŋ mora ko töilyet kaŋ tuggö adi yi a ŋwajik ti Ŋun. Koyi gwon a ŋwajik a yi mo wuji ŋo nagon Ŋun a ’delakin ŋwajik kanyit kune, a yi mo ŋaŋi se ko Kristo i pirit na geleŋ. Kogwon koyi a ŋarundya ŋoŋga na Kristo, a yi mo köti paruŋdye minyo lonyit.

Kogwon ŋuto logon tiŋdu töili lonyit i kulya ti gwiliŋit lo na kak lo, lepeŋ a miriku lo Ŋun, kogwon lepeŋ ti twöju saresi ti Ŋun, ’diri nye ti bulö.

Kogwon ŋo liŋ logon Ŋun a gweja kulo mömönau ko pusök ga ’yu kweya na ŋwajik ti Ŋun.

Kogwon yi deden adi tojo ko na diŋit ŋo liŋ lo gweya kulo gwon i ’du ’duatu, totomie gwoso mien na ŋuto na tata ’du