Popular Bible Verses from Matayo 7

Share

Pije ta, a ta de tikine tiki; gale ta, a ta de ryöni ryo; totoggi ta, a ta deŋakine ŋaki.

Kogwon ŋutu liŋ lo piyuŋdya kilo wuwuju, nye lo ga ’yu lo ryöryö, a nye lo totoggu lo ŋakine ŋaki.

Nyenagon ŋutu liŋ logon a yiŋ kulyaesi kwe a kone kon se kilo, mo gwon gwoso ŋuto lokoŋ logon a ’dukökiŋdyö kadi nanyit i lelya loki.

Nyena konakiŋdye ta ŋutu ŋo nagon ta ’de ’dekan adi ti se konakiŋdye ta na, kogwon Saresi ti Mose se ko ŋo na wur nebijin kune tökoŋu sona.

Kogwon kötumit a nagusu ko kiko a Iŋgo logon tirikin i ru, a ŋutu gwe ku ’dik lo ryeju nye.

Lupöri ta kötumit nagusu, kogwon kötumit a nagalaŋ ko kiko a luŋa laŋ logon tirikin pölilyö i twan, a ŋutu gwe jore logon tirikata.

A ko ta logon a ŋutu lorok kulo deden tiŋdu ŋwajik kasu ŋo na ’but, a bia parik Monye losu lo gwon ki lu mo titin ŋutu logon a pija lepeŋ kulo ŋo na ’but!

An ta ko liŋ ta kulya ti kulye ŋutu, anyen kulya kasu mo gwon ti lilia. Kogwon liliet nagon ta lileŋ na mo liliki i ta, a temet nagon ta yeŋ temakiŋdye kulye ŋutu na nye mo köti na temaki ’e ta.

Ama ŋutu liŋ logon yiyiŋ kilo kulyaesi kwe a tine kon se kulo, mo gwon gwoso ŋuto lu ’böŋ logön nyekakiŋdya kadi nanyit i sese.

Ko nyo nagon do meddya korodoti na ’dit na gwon ko luŋösur i koŋe na, ama a do tine met bau na gwon konut i koŋe na? Do bubulö kulya ada ko luŋaser ilot adi, Ti nan kurutu ŋina korodoti na ’dit kaŋo konut i koŋe, kudyakan bau kata konut i koŋe.

Kunyar ta nebijin kamumulukak logon po kasu ni meta gwoso köbilu, ama i lukata nase lepeŋat ’diri gwoso lujin kakerenyak. Ta mo deden se i konesi kase. ŋutu ŋona bubulö ’deja ludweki ti binyo i kaden logon a kikwa, kode ’deja ki ’biet i losisilaŋ?

Ködini lo ’but ŋupi radan ludweki lo ’but, ama ködini loron radan ludweki lorok.

Ködini lo ’but ti bulö radan ludweki lorok, köti a ködini loron tine bulö radan ludweki lo ’but.

Kaden liŋ logon ti radan ludweki lo ’but kilo toko kak a gubani i kimaŋ.