Popular Bible Verses from Matayo 5

Share

Lele ŋuto ’bayin logon mokakiŋdya lombo a muke muk ko kupö, ama nye togwi ’dikin ki, anyen pararakiŋdya i ŋutu liŋ lo gwon kadi kilo. Nyena ti parara nasu kobbi kobbu sona ko ŋutu i komor, anyen na meddi lepeŋat ŋo na ’but na kon ta kine nu, a se böŋö pupurje Monye losu lo gwon ki lu.

Ta kilo a parara na na kak. Köji nagon a ’duköki i mere loki na ti bulö ’dela.

ŋutu logon a loke i töilyet kilo a kalyöŋök; kögwon se mo memet Ŋun.

ŋutu logon ko magor ko a mokakure i koŋdya na torigwo kilo akalyöŋök; kogwon se mo yiyimöno.

Kölumbö nan takiŋdya ta adi, Nyare ta nyar merok kasu, ko momo ’yi ta Ŋun kogwon kulya ti ŋutu lo sasaŋdu ta kilo

ŋutu logon a lomerika i töilyet kilo a kalyöŋök; kogwon Tumatyan na Ki a nase.

ŋutu logon tomor a kulye ŋutu anyen gwon ko taliŋ kilo a kalyöŋök; kogwon Ŋun mo luŋ se a ŋwajik kanyit.

ŋutu logon dedelya kilo a kalyöŋök; kogwon se mo susuka.

ŋutu logon a sasanya kogwon löti lo rigwo kilo a kalyöŋök; kogwon Tumatyan na Ki a nase.

ŋutu logon wowon konyen ko ŋutu kilo a kalyöŋök; kogwon se mo woworikin konyen.

Ta a kalyöŋök ko ŋutu momoröju ta, ko a sasaŋdi ta, ko a ŋökiŋdye ta kulya narok liŋ ka ’de ka ’de kogwon kulya kwe. ŋutu köju a sasaŋdu nebijin sona logon kasu ŋerot kulu i ŋilo kiko lo geleŋ ŋilo. Nyena lyöŋi ta lyöŋön ko nyolani ta nyola parik, kogwon ropet duma nasu a ’delaki ta ki yu.

ŋutu logon a lokoyokak kilo a kalyoŋok; kogwon kak liŋ mo gwon a nase.

Ta a ’balaŋ na na kak. Ama ko ’balaŋ a wora pötö nye bubulö to ’busa ada? A nye köti gwe ’bak ’bulit ama a gubajine kaŋo i ryoryoka ko mok.

Nyenagon ta ködyö gwon a lo ’but i ŋo liŋ, gwoso na gwoŋdi Monye losu lo ki a lo ’but i ŋo liŋ na.

a ko ruket inot gwon a Ee, a ti nye gwe a Ee, ama ko gwon a ’Bayin, a ti nye gwe a ’Bayin. Kulyaesi logon a lwöŋgu kilo po ko ŋilo Loron.

Ta aje yiŋ adi koju a saraki adi, Koŋe ropa ko koŋe, a kele ropani ko kele. Kölumbö nan takiŋdya ta adi, Do ködyö ti mörö ko ŋuto logon konakiŋdya do arabat. A ko lele ŋuto a naŋgu do i ŋebi lutaten, löpuköki lepeŋ lo kadoŋe lo köti anyen nanaŋa.

A ko koŋe ilot lutaten lo lokuŋdya do i toroŋdya, wuluddu nye kaŋo ko gubara nye mu ’diŋ; bia a na ’but ko do tolikiŋdyö lele swöt ilot lo mugun lwölwöŋ do gubaji i Geena ko mugun inot ’bukuluŋ. A ko könin ilot lutaten lo lokuŋdya do i toroŋdya, ’duŋu nye kaŋo ko gubara nye mu ’diŋ; bia a na ’but ko do tolikiŋdyö lele swöt ilot lo mugun Iwolwöŋ do gubaji i Geena ko mugun inot ’bukuluŋ.