Popular Bible Verses from ÏOANNIS 16

Share

Nga la kren ïa kine kiei kiei ruh ha phi, ba phin ïoh ka jingsuk ha nga; ha kata ka pyrthei phin ïoh ka jynjar, hynrei, to long shlur phi! nga, nga la jop ïa kata ka pyrthei.”

Hynrei, ynda u la wan ma u, U Mynsiem ka jingshisha keiñ, un ïalam ïa phi sha ka jingshisha baroh: namar un ym kren na lade, hynrei, ïa kiei kiei ruh katba un ïohsngew, un kren, bad un pynpaw ha phi ïa kiei kiei ruh ki ban sa wan.

Haduh mynta, phim pat ju pan ei ei ruh em ha ka kyrteng jong nga; to pan, te phin sa ïoh diang, ba kata ka jingkmen jong phi kan ïoh long kaba dap.

Hynrei, nga, nga ïathuh ïa kaba shisha ha phi, ka myntoi ïa phi ba nga, nga leit noh: namar lada nga ngam leit noh, uta U Nongpyntngen un ym wan ha phi; hynrei, lada nga leit noh, ngan phah ïa u ha phi. Te ynda u la wan ma u, un pynkynduh ïa ka pyrthei shaphang ka pop, bad shaphang ka hok, bad shaphang ka jingbishar de

Kumta, ma phi ruh, phi don ka jingsngewsih shisha mynta, hynrei, ngan wan-i ïa phi pat, bad ka dohnud jong phi kan sngewkmen, bad ïa kata ka jingkmen jong phi ym don u ban shim noh na phi. Ha kata ka sngi te, phin ym kylli ïa nga ei ei ruh em. Shisha, shisha nga ong ha phi, ba kiei kiei ruh katba phin pan na uta U Kpa ha ka kyrteng jong nga, un ai ha phi.

Shisha, shisha nga ong ha phi; phi, phin ïam bad phin lynñiar ruh, hynrei, ka pyrthei kan kmen; ma phi, te phin sngewsih, hynrei, kata ka jingsngewsih jong phi kan kylla sha ka jingkmen.