Popular Bible Verses from ÏOANNIS 15

Share

Ma nga, nga long u dieng soh Waiñ, ma phi ki tnat. Uta uba ïaineh ha nga, bad ma nga ha u, uta u sei soh shibun: naba khlem ma nga, phim lah leh ei ei ruh em.

To ïaineh ha nga, bad ma nga ha phi. Kumba ka tnat kam lah ban sei soh na lade hi, lymda ka ïaineh ha u dieng soh Waiñ; kumta, ma phi ruh, lymda phi ïaineh ha nga.

Lada phi ïaineh ha nga, bad ki ktien jong nga ki ïaineh ha phi, ïa kaei kaei ruh ba phi mon, phin pan, te kan long ïa phi.

Phi, phim shym la jied ïa nga, hynrei, nga, nga la jied ïa phi, bad nga la thung ïa phi, ba phi phin ïoh ïai-leit bad sei soh, bad ba u soh jong phi un ïoh ïaineh; ba kaei kaei ruh ba phin pan na uta U Kpa ha ka kyrteng jong nga, un ai ha phi.

Ym don uba don ka jingieit kaba kham khraw ïa kane, ba uwei u aiti noh ïa la ka jingim na ka bynta ki lok jong u.

Ka tnat baroh ba ha nga ka bymsei soh u ngor noh; bad ka tnat baroh kaba sei soh, u khyllad ïa ka, ba kan ïoh sei soh kham bun.

“Kane ka long ka hukum jong nga: Ba phin ïa-ieit paralok hi, kumba nga la ieit ïa phi.

Ha kane la pyndonburom ïa U Kpa jong nga, ba phi sei soh shibun; kumta, phin long ki synran jong nga.

“Ma nga, nga long u dieng soh Waiñ uba shisha, bad U Kpa jong nga u long u nongsumar brisoh.

Lada uno uno ruh um ïaineh ha nga, la ju bred noh ïa u shabar kum ka tnat kaba la ïapstai noh; te ki ïalum ïa ki, bad ki bred ha ding, bad la thang ïa ki.

Nga la kren ïa kine kiei kiei ruh ha phi, ba ka jingkmen jong nga kan ïoh long ha phi, bad ba ka jingkmen jong phi kan long kaba dap.

Lada phin sumar ïa ki hukum jong nga, phin ïoh ïaineh ha kata ka jingieit jong nga; kumba nga keiñ, nga la sumar ïa ki hukum uta U Kpa jong nga, bad nga ïaineh ha ka jingieit jong u.

Ïa kine kiei kiei ruh nga la hukum ha phi, ba phin ïa-ieit paralok hi.

Lada phi la long na ka jong ka pyrthei, kata ka pyrthei kan da ieit ïa la ka jong; hynrei, naba phim long na ka jong ka pyrthei, hynrei, nga, nga la jied ïa phi na ka jong ka pyrthei, namar kata keiñ, kata ka pyrthei ka shun ïa phi.