Popular Bible Verses from Lir. 39

Share

Wele Omunyali Owa Bioosi aba ne Yosefu, ne aba omundu owe bukhili mala amenya munju eyo omwami wewe Omumisiri.

Nio alekha bioosi nibio aba nabio mu bwimeelesi bwa Yosefu. Ne nga aba naye se ebaasiakho sisiindu siosi siosi tawe, ne kakhali siakhulia nisio alichanga siong'ene. Yosefu aba ne kamaani lundi aaba owe lukoondo lulayi

Omuliindi we mu siboe akhola Yosefu khuba omwimeelesi owe baboe boosi. Ne siosi siosi sisiekholekhanga mu siboe, Yosefu niye owakholanga.

Abukula Yosefu amuyila mu siboe, abuundu niio baboe bo mwami baboangwa mala amenya mubwenomwo. Ne kakhali Wele Omunyali Owa Bioosi aaba ne Yosefu mala amwekesia busiime bukhawao tawe, ne khumua kumwalaalo mumoni mwo muliindi we mu siboe.

Enyuma we siise, omukhasi wo mwami wewe amwikoomba mala amuboolela ali, “Kona ne nase.” Ne kakhali Yosefu aloba mala amuboolela ali, “Lola, omwami wase se enaniangakho khu siindu siosi siosi munju yewe tawe, mala ara buli siindu mu bunyali bwase, se aliio omukhulu munju yino khukhukhila ese tawe, namwe se ayinyima sisiindu siosi siosi tawe, ne okhali ewe wamwene, sikila oli omukhasi wewe. Nono ese nyala nakhola ndiena sifwaabi siboofu sino, mala khole bubwoni khu Wele?”

Ne kakhali endaalo ndala, nga Yosefu ne engila munju khukhola kimilimo kiewe, omundu okundi khu bakholi be munju se abamo tawe, mukha Potifa amukwakho atiila engubo yewe aloma ali, “Kona ne nase.” Ne kakhali Yosefu afwarukha mungubo akilekha mu makhono kewe, elukha mala arura munju.