Popular Bible Verses from Matayo 10

Share

“Topupokisi, kamearit ayong esi loger a ngamesekin ana eya kiding ngipeei. Ejoikinit esi iliworosi lukachwaak loger a ngimunio nabo lukaalimok loger a ngakurio.

Itwaan cha daang ni esaki akirichun akiyar keng, ebukori, nakaneni ni ejali akiyar keng kotere ayong, irichuni.

Nyikear ngulu earete akwaan bon nakaneni nyepedorete akiar etau. Ejoikinit kikeri lo epedori akinyasun akwaan ka etau ananam ana a akim.

Nyitemokino itwaan ni nyiwoki apir keng kewapak ayong eliwor erukitos kang.

“Itwaan cha daang ni elimori alongaren ngitunga atamar arai ngesi itwaan kang, alimori ayong dang ngesi alongaren Apakang alo eyei nadis. Nakaneni itwaan cha daang ni epegi alongaren ngitunga atamar meere ngesi itwaan kang, apegi ayong dang alongaren Apa kang lo eyei nadis atamar nyayeni ngesi.

Kitojoka lu edeakasi, kiteyarutu lukatoak, kitangalekisi lu a enomokere, kitwarakisi ngipean. Iriamut esi pas, kongina pei kipotosi esi dang pas.

Nakaneni nyieam! Ijokak esi noi idwangito ngikieny ngulu lu elalak.

“Nyiitamasi robo kori abuni ayong ayaun ekisil nakwap. Mam! Nyabunit ayong ayaun ekisil pearai arem.