Popular Bible Verses from MATAYO 21

Share

Ne nimuba nimusuubila, mulanyola shiosi shiosi eshiamusaba olwa musaaya.”

Yesu nabakalusia ari, “Emuboolela toto mbu, nimuba nimusuubila ne nimulakanakania mumioyo chienywe ta, munyala okhukhola aka ekholile khumukhuyu okwo. Ne shikali kano konyene ta, nebutswa munyala okhuboolela eshikulu shino mbu, ‘Yichinje wisukune munyanza,’ ne nishikhola shirio.

Abandu abanji abali imbeliwe nende abali inyumawe balaanjilisia bari, “Omwana wa Daudi yetsoomibwe! Noweikhabi owitsa muliira elia Omwami! Nyasaye ouli hekulu mwikulu yetsoomibwe!”

Ne nababoolela ari, “Kahandikwa mumahandiko mbu, Nyasaye yaboola ari, ‘Ihekalu yanje yilalaangwa mbu inzu yamasaayo.’ Nebutswa inywe muchikholile okhuba imbinga yabanuuli!”

“Muboolele abandu ba Zayuni mbu, lole, omuruchi wenywe yetsanga ewa muli. Nomuholo, ne yekhaale khusishili, khushimoosi shieisishili.”

Yesu nababoolela ari, “Shimwasomakhwo aka Amahandiko akaboola mbu, ‘Lichina liene liabombashi baloba mbu libula inganga, bulano liikholile olwanzilo lwomukoona. OMWAMI Nyasaye niye owakhola ako, nako nakokhuhuchisia muno khwifwe ta!’

“Kho emuboolela toto mbu, Obwami bwa Nyasaye balarusibwa khwinywe nibuhelesibwa lihanga elibula ebiamo.”