Popular Bible Verses from YOHANA 16

Share

Isie emubooleele ako, kho mbu nimuli halala ninasi, mube nomulembe. Abomushialo balamusandia, nebutswa mube abeitswoni! Isie emalile okhuhula eshialo.”

Ne olwa Roho oufwimbulanga obwatoto bwa Nyasaye alitsa, yakhamwimilile mubwatoto bwosi. Shiyakhaboole khulwa obunyalibwe omwene ta, habula yakhaboole aka yahulila khandi yakhamuboolele khuketsanga.

Okhuula bulano mushili okhusabakhwo eshindu shiosi shiosi muliira lianje ta. Sabe ne mulanyoola, kho mbu obusangaafu bwenywe bwitsule.

Nebutswa isie emuboolelanga akatoto mbu, nobulayi muno isie okhutsia, okhuba nindalatsia ta, Omuhabini oyo shialetsa khwinywe tawe. Nebutswa ninzia, ndalamuruma khwinywe. Ne olwa aba niyetsile, alamanyia abandu abomushialo mbu, nabamayanu khulwa obwonooni bwabwe, nende khukobulunjishi, halala nende khukobukhalachi bwa Nyasaye.

Nolwa kali kario ninenywe. Bulano mubeeleele, nebutswa ndakhamulole khandi, mana emioyo chienywe chiakhekhoye, ne shialiho owakhamuyiniekhwo omwikhoyo kwenywe okwo tawe. “Olwa inyanga eyo yakhoole, shimwakhaareebekhwo likhuwa liosi liosi tawe. Emuboolela toto mbu, Papa alamuhelesia shiosi shiosi eshia mulamusaba muliira lianje.

Emuboolela toto mbu, namulile amasika khandi namwikhuule, nebutswa abomushialo balekhoya. Mulabeelela, nebutswa eshibeela shienywe shilakalukhana nishikwa omwikhoyo.