Popular Bible Verses from Mk. 9

Share

Yesu amukobosia ali, “Waaba wamwene ne onyala! Buli siindu sinyalikhana khuyo oli ne lisuubila.”

Ao ne nao, raraawe owo mwana omulwale eloocha ali, “Nasuubiile, ne kakhali njeete mbe ne lisuubila likali!”

Nga Yesu aba yeng'ene munju, babeeka bewe bamureeba mu bwikisi bali, “Siina sikila efwe ne khukhanyalile khurusia sisieeno esio?” Yesu akobosia ali, “Sisieeno lukano luno, sirusibwao ne lisaba liong'ene mbao sisiindi siosi siosi sinyala siasirusia tawe.”

“Kumuunyu kumukhelekha kumulayi ne yaaba ne kuwelemo bululu, okhola oriena nio kwaba kumululu lundi? Ba ne kumuunyu kumukhelekha kwe busaale khu mwabeene ne mwabeene, lundi menya mu muleembe na buli sia mulala.”

“Yesi yesi owakaanila omwana nga yuno ari mu lisina liase, aba anjakaanile ese. Ne oyo ounjakaanila ese se anjakaanila ese tawe ne kakhali oyo akaanila owanduma.”

Yesi yesi omuelesia kameechi mu sikoombe munywe sikila muli babaase, ng'ali salatibia kumuruuru kwewe tawe.

“Yesi yesi okila mulala khu batiiti bano atibie lisuubila liewe mwise, bwakhabeele bulayi omwene oyo bamuboe lususi luboofu mwikosi mala bamumwaate mu nyanja.

Ne emoni yowo yaaba ne khuyila mu bwoni kitomolemo, buli bulayi khucha mu Bwami bwa Wele ne moni ndala khukhila khuba nacho chombi mala oche mu mulilo.