Popular Bible Verses from Mk. 6

Share

Babaandu babeechanga ne khucha baba bakali bakila Yesu ne barumwa bewe khunyoola akhaba bubweyaangu bwe khulia tawe. Nio Yesu aboolela barumwa ali, “Khakhwesendekho sinao nio munyoole bubweyaangu bwe khuuluukha.”

Yesu ababoolela ali, “Omung'oosi afukiililwa buli abuundu, ne kakhali mu sibala sie wabwe, ne mu balebe bewe nende be nju yewe.”

Oli Yesu arura mu liaaro, abona babaandu bakali mala abakholela siisa, sikila baba nga kamakheese kakhali no mwaayi tawe, mala arakikha khubekisia bibiindu bikali.

Se akholakho kamayia kosi kosi tawe, ne kakhali ara kamakhono kewe khu balwale batiiti ne khubaonia. Auka lukali sikila babaandu se baba ne lisuubila tawe. Nio Yesu akeenda mu birekere ebweeneyo ne ekisia babaandu.

Yesu abukula kimikaati kiraano ne ching'eeni chibili alola mu ngaaki aana orio khu Wele, amesulamo kimikaati mala aelesia babeeka bewe khukabila babaandu, lundi akabamo ching'eeni chibili echo khu boosi. Buli mundu aalia mala ekura. Nio babeeka babuusia bitonyi bie kimikaati ne ching'eeni bioola bikono ekhumi na bibili.