Popular Bible Verses from Mat. 24

Share

Busiime bwe babaandu bakali buliboomba sikila bumayaanu khukucha. Ne kakhali oyo owekhaliilikha khukhwola khu siakamo akhaone.

Ne Elomo Endayi eye Bubwami yino eliilwachwa mu sibala sioosi, nga buloli khukholo choosi; nio sisiakamo siiche.

Lundi muli ulila liie ne kamakhuwa ke liie; mukheembeelela tawe; sikila khukhwola ako kakholekhe, ne kakhali aba sisiakamo sikhoola tawe.

Sikila sibala silibwaakala sibala sisiindi; bubwami bulibwaakala bubuundi, lundi enjala elibao ne khuterema khwe sibala mu mbeka chingali. Kano koosi kali busa nga omukhasi olumwa ne buloonda.

Likulu ne liloba biliwao, ne kakhali kamakhuwa kase se kaliwao tawe.

Sikila bakali balichila mu lisina liase, ne baloma bali, ‘Ese niise Kristo!’ Mala balisilwasia bakali.

“Nio balimuaamba bamuyile enywe muukuumwe ne khukhwirwa. Chikholo choosi chilimubiila enywe sikila lisina liase. Ne bakali balitibia lisuubila liabwe siise esio, balichamana ne khubiilana. Lundi bang'oosi be bubeeyi bakali baliicha mala batiimie babaandu bakali.

Mala Yesu abakobosia ali, “Ba meso, omundu yesi yesi akhamusilwaasia tawe.

Khwako enywe mwesi mukhoya mwerekekha, sikila Omwana wo Mundu alikho eecha esaa niyo mukhamanyile tawe.

Khe mube meeso nono, sikila se mumanyile endaalo niyo Omwami wenywe akheeche tawe.

“Se aliio, omanyile, endaalo namwe esaa ekhoole liina tawe, akhaba malaika be mwikulu, akhaba Omwana se amanyile tawe, nakhali Paapa yeng'ene omanyile.

Ne kakhali babelaanga bali nibo Kristo ne bang'oosi be bubeeyi baleecha; ne khukhola kamayia ke khuukia kanyala khutiimia akhaba barobore ba Wele kaaba ne kanyalikhana.

Liliicha lio Omwana wo Mundu liliba nga kakakholekha mu ndaalo cha Noa. Mu ndaalo echo kameechi ne kasiili khwichula, babaandu baba bali mu khulia ne khunywa, baseecha ne bakhasi bayilana, khukhwola endaalo niyo Noa engila mu meeli, ne se bamanyakho sisiekholekhanga tawe, nabwila kameechi kecha kabasiikha boosi. Omwana wo Mundu nga akheeche, kaliba kario.