Popular Bible Verses from Mat. 18

Share

Sikila niio babili namwe bataru bebuusiisie mwisina liase, aba ndi nabo abwenao.”

“Lundi muboolela ndi, kaaba bali babili khwinywe mufukiilisiana khu sibala khu siindu siosi siosi nisio musaba, mulakholelwa murio ne Paapa wase we mwikulu.

Yesu alanga omwana, amwimia akari wabwe, mala aaloma ali, “Muboolela bung'ali, ne mukhakaluukhana mwaba nga babaana, se mulingilakho mu Bwami bwe mwikulu tawe.

Yesi yesi oweboombia aaba nga omwana yuno, niye oli omukali mu Bwami bwe mwikulu.

Yesi yesi owakaanila omwana mulala nga yuno ari, mwisina liase aba anjakaniile ese.

“Ng'ali muboolela ndi, siosi siosi nisio mukaania khu sibala aba siakaanisiibwe mwikulu, lundi siosi siosi nisio mufukiilila khu sibala siafukiiliilwe mwikulu.

Nio Yesu amaliilisia ali, “Akhaba Paapa wase owe mwikulu alikholela ario buli mulala khwinywe, kaaba bali se mubeela bawandaayenywe khukhwama mu miooyo kienywe tawe.”

“Ne yesi yesi okila mulala khu batiiti babasuubila ese bano bakhola bubwoni, buli bulayi khukhila khu niye khurwa lususi luboofu mwikosi mwewe ne khusiikhwa mu lusiba lwe nyanja.

Mwibaasia muli siina? Omundu aaba ne kamakheese emia, mala lilalakho liatiba, salekha kamakhumi tisa na tisa mumaayilwe mu bikulu mala acha khuyiima lilala litibile elio tawe ku?