Popular Bible Verses from Mat. 14

Share

Ne nga Petero abona ekhuungu, aria, mala arakikha khukhwisiikha. Nio alila ali, “Omwami mbonie!” Oli akhasila tawe, Yesu enaa aamutiila mala aloma ali, “Omundu we lisuubila likeekhe! Siina sikila ne okhali ne lisuubila?”

Ne nga Petero abona ekhuungu, aria, mala arakikha khukhwisiikha. Nio alila ali, “Omwami mbonie!”

Nio oli bakhasila tawe, Yesu ababoolela ali, “Niise nyindaalila, mukhaba ne buuri tawe.”

Nio Petero amukobosia ali, “Omwami, waba ne oli ewe loma sesi ngende khu meechi niche niio oli ao.” Yesu aloma ali, “Yiicha.” Nio Petero arura mu liaaro akeenda khu meechi acha niio Yesu ali.

Babeeka ba baaba mu liaaro basaaya Yesu, ne baloma bali, “Ng'ali khane ewe oli Omwana owa Wele.”

Yesu aloma ali, “Bakhenaana khucha tawe, enywe baelesie siakhulia balie!” Babeeka bewe bamuboolela bali, “Ano khuli ne kimikaati kiraano kiong'ene ne ching'eeni chibili.”

Ababoolela ali, “Bireere ano.” Nio aboolela babaandu abo khukhwikhala aasi khu bunyaasi mala abukula kimikaati kiraano ekio ne ching'eeni chibili echo alola mu ngaaki apila Wele orio. Akimesula aelesia babeeka, mala babeeka bakaba babaandu.

Babaandu boosi balia bekura. Nio babeeka babuusia bitonyi bie kimikaati bibiarama mala biechula bikono ekhumi na bibili.