Popular Bible Verses from Lucas 9

Share

Nirkurmi lapan runakunata kayno nirqan: <<Pipis discïpulü kayta munarqa kikin munashqanno ama kawatsuntsu, sinöqa waran waran cruzninta apaqno noqata qatirämätsun.

Kawayninta salvayta munaqkunaqa kawayninta oqranqami. Kawayninta noqa rayku oqraqkunami itsanqa kawayninta salvanqa.

Tsawraqa Jesús kayno nirqan: <<Pipis qepapa rikaraykar yuntawan aruqno karqa Tayta Dios mandaykashqanpaq manami sirvintsu>>.

<<Infiernuman qaykushqa kananpaq kaptinqa ¿imapaqtaq välin intëru munduta munaynincho tsararashqanpis?

Pipis noqapita y wilakuynïpita penqakuptinqa Runapa Tsurinpis Tayta Diospa, santu angilkunapa y kikinpa chipchipyayninwan shamurmi paypita penqakunqa.

Tsayno niptinmi Jesús kayno nirqan: <<Atuqkunapaqa machayninkuna kanmi. Pishqukunapapis qeshwankuna kanmi. Runapa Tsurinpami itsanqa maycho punuykunalanpaqpis mana kantsu>>.

Jesús kayno nirqan: <<Pipis kay wamratano jutïcho chaskirqa noqatapis chaskiykämanmi. Noqata chaskimarqa kachamaqnïtapis chaskiykanmi. Qamkunachöpis mas humildi kaqmi mas mandaq kanqa>>.