Popular Bible Verses from Lucas 6

Share

Ali runa kaptikiqa Tayta Dios qamkunatapis jichay jichayta lipay lipaytami qoshunkipaq. Melqayniki juntatami melqapäshunkipaq. Runa mayikita imanöpis yanapashqaykiman tupumi qamkunatapis Tayta Dios yanapashunkipaq>>.

Ali runaqa shonqun alita yarpashqantami parlan y fiyu runaqa shonqun mana alita yarpashqantami parlan. Runaqa shonqun yarpashqantami alitapis o mana alitapis parlan.

<<Qamkunaqa chikishuqnikikunata kuyapäkuy. Paykunawan ali kawapäkuy. Imatapis manarqa ama cobrapäkuytsu. Tsayno kawashqaykipitami Tayta Dios premiuta qoshunkipaq. Payqa mana kuyakuq runakunata y fiyu runakunatapis kuyapanmi. Tsaymi qamkunapis kuyapäkuq karqa munayniyuq Tayta Diospa wamran karkaykanki.

Taytayki kuyapäkuq kashqanno qamkunapis kuyapäkuq kapäkuy.

<<Tayta Dios mana juzgashunaykipaq runa mayikita ama juzgaytsu. Tsaynöpis manakaqman mana churashunaykipaq manakaqman ama churaytsu. Runa mayikita perdonaptikiqa qamkunatapis Tayta Dios perdonashunkimi.

<<Mayamaqkuna, qamkunatami kayno nï: Chikishuqnikikunata kuyapäkunki. Contrayki sharkuqkunatapis ali rikapäkunki. Ashlishuptikipis ali shimilaykipa parlapanki. Manakaqta tumpashuptikipis Tayta Diosta paykunapaq manakunki.

Imanömi runa mayiki ali rikashunaykita munanki, tsaynöla qamkunapis runa mayikita ali rikapäkunki.

Laqyashuptikiqa jukaq qaqlaykita kamapanki. Punchuykita qechushuptikiqa chompaykitapis loqtiparinki. Imata manakushuptikipis qoykunki. Imaykita qechushuptikipis kachaparinki.

<<Ali yöraqa manami mana alita wayuntsu. Tsaynölami mana ali yörapis alitaqa mana wayuntsu.

Wayuyninpami ima yöratapis reqintsi. Manami kashakunapitatsu hïgusta palantsi ni shirakakunapitatsu üvata palantsi.