Popular Bible Verses from Lucas 16

Share

<<Walkalata tsararashqanwan alita rurarqa atskata tsarararpis alitami ruranqa. Walkalata tsararashqanwan alita mana rurarqa atskata tsarararpis manami alita ruranqatsu.

<<Manami pipis ishkay patronta sirvintsu. Ishkay patronta sirvirqa jukninta chikin y juknintana kuyan. Jukninta cäsukun y juknintaqa manami cäsukuntsu. Tsaynölami rïcu kanalaykipaq yarpachakurqa Tayta Diosta sirviyta mana kamäpakunkitsu>>.

Kay patsacho riquëzaykiwan runa mayikita mana yanapaptikiqa ¡imanöparaq Tayta Dios gloriacho riquëzakunata kamaripäshunkiman! Jukpa kaqkunawan mana alita ruraptikiqa Tayta Dios ¿yärakushunkimantsuraq qampa kaqkunata qoykushunaykipaq?

<<Tsayno niptinshi Abraham kayno nirqan: <Moisés y profëtakuna qelqashqankunata mana cäsukuykarqa wanushqanpita kawarirkamur wilakuptinpis manami cäsukärinqatsu> >>.

<<Mayqan runapis warminpita rakikarkur juk warmiwan tarqa adulteriu jutsatami ruraykan. Tsaynölami runanpita rakikashqa warmiwan tarqa adulteriu jutsata ruraykan>>.