Popular Bible Verses from Santiago 4

Share

Tsayno kaykaptinqa mana yachaq tukuylapa Tayta Dios nishqanta cäsukäriy. Diabluta ichipay. Ichipaptikiqa qeshpikunqami.

Tayta Dioswan imaypis kawapäkuy. Tsayno kawaptikiqa paypis qamkunawanmi kaykanqa. ¡Jutsasapakuna! Makikita maylakushqaykino jutsa ruraykunata kachariy. Janan shonqula cäsukunaykipa trukanqa lapan shonquykiwan Tayta Diosta cäsukäriy.

Tayta Diosta cäsukur mana yachaq tukuypa kawapäkuy. Tsayno kapäkuptikiqa yanapashunkimi.

Tsayno karpis kuyapämantsimi. Tsaymi palabranchöpis kayno qelqaraykan: <<Yachaq tukuqkunataqa Tayta Dios manami yanapantsu. Humildi kaqkunatami itsanqa kuyapar yanapan>>.

Alikunata ruranantsipaq kashqanta musyaykar mana rurarqa jutsatami ruraykantsi.

Manakaqkunacho ushanaykipaq kaptinmi manakurpis chaskipäkunkitsu.

¡Mana cäsukuq jutsasapa runakuna! ¿Manaku musyapäkunki mana alikunata rurar Tayta Diospa contran kapäkushqaykita? Pipis mana alita rurarqa Tayta Diospa contranmi karkaykan.

Manami musyantsitsu warakuna ima pasamänantsipaq kashqantapis. Pukutay yurirkamur elqakäkushqannölami noqantsipis ushakaqla kaykantsi.