Popular Bible Verses from Khaazi 2

Share

Pheeturu khuwaajipu araka: “Mwithupwiye na moosiwe wakhula mmote wa mweeyo khwa nzina la Yinsa Al-Masiihu yoori mwipatthe nswammaha wa twampi zenu, mwintta opokhera tthuvo ya Rooho Ttakatthiifu.

Yo aari ooshututela masomi a maaswihaapa na osiilana, na oretta njampo la mwiili na taamu, na lompa.

Ooshi khwiiya awiitaala Rooho Ttakatthiifu, khwaaza ottakhula luuka kiina khwa nanna wakhula ntthu Rooho Ttakatthiifu yaari omwinkhaazo ottakhula.

Nasaapiru khusiileya ovuma woolankha pinkuuni wuupuwaka nkhama pheevo zaari ovumaaye zookhomaala, khwiitaala nnyupa wooshimo mphule aakusanyeyiyeemo. Khuwaapuwela etthu yaari wuupuwaaye nkhama malimi a moottho aari waawanyeyaaye khwiikhala wakhula ntthu veeshwa vawe. Ooshi khwiiya awiitaala Rooho Ttakatthiifu, khwaaza ottakhula luuka kiina khwa nanna wakhula ntthu Rooho Ttakatthiifu yaari omwinkhaazo ottakhula.

Yo aazowereliye okusanyeya wakhula siikhu Nnyupa Woosifwiwamo, na oretta njampo la mwiili na taamu vamote nyuupa khwa nyuupa, oja zoojiwa zaya na furaha khuluyeene na rooho ya ekhweele, ansifwaka Nluku na khusala apattha rehema mmakhono wa atthu ooshi. Apho Mbwana wakhula siikhu aari ovira aweekezelaka atthu a wuusurukha.

“ ‘Nluku alupa yoori, siikhu za mwiisho kinteela oweeshushela Rooho yaka atthu ooshi. Aaneenu aalume na apa aakha anteela ohupiri, mashaapu anteela wiiyana jozi, anakhuuluvale anteela olottha.

Atthu ooshi apale ankhupaliyeeyo Yinsa aari vamote, zooshi ettiye ophakanya, wakhula etile yaari opattikhanaaye eetta omeelana. Akina aari wuuzanyisa mashapa aya na vitthu zaya, nzurukhu aya nootiisa oteela owaamela azaaya, wakhula ntthu aari winkhiwa khwa khiima ya othowiwa wawe.

Wakhula otule ankhuwelaaye nzina la Mbwana ontta wuusurukha!’

Njuwa lizukuluwe liiye yiiza, mweezi na ye othatuwe wiiye taamu, ehinafiye siikhu khuulu ya siifwa za Mbwana.