Popular Bible Verses from MATTHE 19

Share

BAWIPA Jesuh naw ngami cu kheing ne teng gui netah, “Chang naw a i phi käm khüt näng ci, cun ung phi Khanpughi naw a päng avan m’khüt näng ci,” cine m’thein gui ci.

Cun ah kyasei ngahni cu hnih ah kä kya ba ci, tumat ah kyak ci. Khanpughi naw ang puikhah sak cu chang naw kä am chaa-en vai nei’ ciah cacim cu kä nami phat man ne ma?” cine kyak na gui ci.

BAWIPA Jesuh naw, “Ak htük ge ung Pushipi naw pami la hnumi cu tüi pyang goi ci. Cun ah kyasei Khanpughi ah thu pyein cu, ‘Shin ah a mawng ung pami naw anu apa cu nawng shüt ne ak chu awn ng’puikhap ci goi, ngah ni cu sisa tumat ah kya ci goi.

BAWIPA Jesuh naw, “Akhmaw hta gui cu kei ah law u sä, kä ma na gui vä, khankho uknak cu shin ah mäih ah ak hmaw hta gui ah kho ah kyak ci nei,” cine pyen na gui ci.

Cun ung phi maa ciah chang gui cu hnu lawk khai gui, hnu ciah chang gui cu maa lawk khai gui nei.

Cun kawn ah phi kei ah hmawk ah a im, am dek, anu apa, a phäi a nau, akchu a hta, tumat mat nawng shüt ciah chang cu, a nawng shüt ah khan ah a phiaa ah däm pi sei gah ba khai, ang täi ghin nak phi gah khai.

BAWIPA Jesuh naw, “Nang cu kümbe ciah chang ah na kyak hlü ung, hteit ba ne na khawhcham avan cu yoi netah, dukhaih ci gui-am na ngui avan cu na peit gui vai. Cun ah na bi ung nang cu khankho ah bühmang nak na hmuk khai, cun kawn ah ka hnu ah na na läk vai,” cine pyen nak ci.

BAWIPA Jesuh naw, “Nang naw nik ciah bi ah mawng a i ah kiasei kei na nang shi ang? Changnitumat bäng nei om ci, Nang cu ang täi ghin nak na gah hlü ung thukhän cu na läk vai,” ci ne kiak nak ci.

Kei naw ka pyein ba mä cu bühmang ciah chang Khanpughi ah uk nak kho ah a gawk vai ah tah, ng’pyüm mik ung kalauk a luh vai cu yäi tu ba khai,” cine pyen na gui ci.

Kei naw akcang ka pyein cu, pami naw ak chu cu, ak pami hei awn ani shetkat nak kä a om ah khawi ung, a i katnak a om ung phi kä ang chaa-en püi vai, ak chu ng’chaa püi ne, a hei chu na tu ba ci cu, ak chu ah khan ah katnak bik ciah kyak ci,” ci ne m’thein gui ci.

BAWIPA Jesuh naw ang düihpüi gui-am, “Kei naw akcang ka pyein cu, bühmang ciah chang gui cu Khanpughi ah uknak kho ah ami gawk vai kä yäi ci.