Popular Bible Verses from MATTHE 13

Share

M’dek ni ung kya lawk ciah m’shi ci cu, ng’thu ni cu ngai ng’ya tu ne hmuhmat ci gui ah kyak ci. Ngami cu amshah aphiaa, amshah ak chuk-kip, amshah athum-kip ah vuipai ci gui,” cine m’thein gui ci.

Hliing hmu ah kya lawk ciah m’shi ci cu, ng’thu ni cu ng’ya tulang ne phi, ami ng’ä ai nak gui la ami bämang nak hlü gui naw, shung shet gui sei ng’thu ni cu kä vui pai hlawt ciah kyak ci.

Lam ung kya lawk ciah m’shi ci cu, Khankho uknak ah mawng ng’thu k’ni cu ng’yak tu lang ne phi, kä hmat ci awn täng ci. Ami m’lung kyong ung phu ah ng’thu m’shi cu, khoshe naw la ne hteh püi yawp ci.

Lung ung kya lawk ciah m’shi ci cu, ng’thu k’ni cu ami ng’yak tu vai-am yeikyai ne dou tuk ci gui ah kyak ci. Cun ung phi ng’thu ni cu ngami ah m’lung kyong ung kä khäng htek ci, ashäng hta bäng gawk ne om ci. Ami dou ah ng’thu ni ah hmawk ah yaica nak la shedam nak ami aut law ung, acun vai-am ng’hlat ba ci gui.

“Khanpughi ah uknak kho cu shin ah mäih ah kyak ci, Chang tumat naw, lai ah phuh ne gimah khawh ng’peeih cu hmu netah, lin ne phuh ba shüt ci. Cun kawn ah yeikyai ne hteit ba ne, akhawh avan yoi yawp netah, cun ah lai cu khleih ba ci,” cine m’thein gui ci.

M’shi amshah cu, m’dek ah ni nak ung kya law ne, akni ah ng’lih pyo ghing gong sei, a phiaa, akchuk-kip. Athum-kip ah ng’sep khawi ci.

Geit khäm khin ung khüt sei, geit la m’gho cu a täng ah phung ghing cang ni sä. Geit khäm khin a gawk law ung geit khäm ci gui-am; khu m’ghaw gui cu mawih sak gui ma netah, k’bum ne mei ung m’khih vä, cun kawn ah geit gui cu aat u ne, ka khei ung thun vä, cine kam cäi gui khai,’ cik ci,” cine m’thein gui ci.