Popular Bible Verses from MATTHE 10

Share

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

Amät ah hnun ghin nak vai k’tha nak ciah chang cu, a ghin nak maih khai, kei ah hmawk ah a hnun ghin nak pek ciah chang cu ghin nak gah khai.

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

Amät ah kutlamtung kawt ne ka hnu ah kä na läk ciah chang cu, kei ah düihpüi ah kä kya hlawt khai.

‘Chang gui ah ma ah kei cu ana BAWIPA ah pyein ne, m’dang ne ng’kiaa ciah chang cu, kei naw khankho ka Pa ah ma ah, kakchang nei cine m’dang ne ka pyein khai. Cun ung phi chang gui ah ma ah kei na hnu ng’tuk püi ciah chang cu, khankho ka Pa ah ma ah kei naw ka hnu ng’tuk püi khai.

Akgaw gai sak vä, aksi m’ghin ba vä, kheei lei ah ei gui theek sak vä, khoshe gui k’täm vä, Khanpughi ah m’gein nak kä khleih ah nami gah ci kyasei, chang gui am a phu kä lak ah vah pe vä.

Cun ah kyasei kä nami kyih vai, nangmi cu biithta akda ah mä nami küikyang pi ci.

‘Khomdek khan ah dimdeeih nak ka pek khai ah, ka lawk ciah kä nami ngaih-en vai. Dimdeeih nak ka pek khai ah ka lawk ciah kä kiak ci, ng’tai nak vai ah ka lawk ciah kyak ci.