Popular Bible Verses from Psalms 27

Share

Mandaj Diosta chapariajuilla. Cambaj shungupica, shinlli tucushpa ama shaijuichu. Ari, Mandaj Diosta shuyajuilla.

Shuj mañanagutallami, Mandaj Diostaca mañarcani. Chaitami mascasha. Tucui ñuca causaipi, Mandaj Diospaj huasipi cashpa, Mandaj Dios juyaillagu cajta ricungapaj, paipaj huasipi tapushpa yachangapajmi mañarcani.

Mandaj Diosca, ñucapaj michami, ñucata quishpichijmi. ¿Pitata manllana cani? Mandaj Diosca, ñuca causaipaj shinlli torreshnami. ¿Pitata manllana cani?

Runacuna causanajuj cai pachapi, Mandaj Diospaj juyaita na crishpaca, huañuimanmi carcani.

Nali punllapica, paimi paipaj jatun carpapi pacahuanga. Paipajlla shicanyachishca ucupimi pacahuanga. Shuj jatun rumi jahuapimi, jahua jahuapi shayachihuanga.