Paicunapaj juezcunaca, imatapash pacalla cujpi japishpami, ima llaquitapash alichinajun. Paicunapaj curacunapash, culquimandallami yachachinajun. Paicunaman villajcunapash, culquimandallami yachaj tucushpa villanajun. Chashna rurashpapash, paicunaca Mandaj Diostaca yariashpami causanajunchi nishpami, cashna ninajun: “Mandaj Diosca ñucanchihuanmi. Ima llaquipash, ñucanchitaca na japingachu” ninajunmi.