Popular Bible Verses from MATEO 16

Share

Shina nishpallami Jesusca, paipaj yachajujcunata cashna nijurca: —Maijan cashpapash ñucata catingapaj munashpaca, paipaj causaita na llaquishpa, paipaj cruzta aparinshna ñucata catihuachun.

Ñucapash candaca, Pedromi cangui ninimi. Ñucata crishpa tandanajujcunataca, cai rumipimi huasichinshna mirachisha. Paicunataca, Hades nishcapaj pungucunapash na mishai ushangachu.

Jahua pachapi Dios mandajuj llactagupaj llavecunatami, canman cusha. Cai pachapi tucui imatapash huatashcashna saquijpica, jahua pachapipash huatashcashnami canga. Shinallata cai pachapi tucui imatapash cacharijpica, jahua pachapipash cacharishcami canga— nijurcami.

Maijan cashpapash paipaj causaitalla quishpichingapaj munashpaca, chingaitami chinganga. Ashtahuangarin ñucata catijushcamanda huañunatapash na manllashpaca, causaitami charinga.

Shuj runa cai pachapi ima tiajta tucuita japishpapash, paipaj alma chingaita chingagrishpaca, ¿ima alita canga? Chashna chingashpaca, paipaj almamandaca, ¿imatashi cui ushanga?

Shina ninajujpimi: —¿Cangunaca, cutin maijan nihuanguichita?— nishpa, Jesusca tapurca. Shina tapujpimi: —Canga, causajujlla Taita Diospaj Churi, Quishpichij Cristomi cangui— nishpa, Simón Pedroca tigrachirca.

Shina nijpimi Jesusca, cashna nijurca: —Jonaspaj churi Simón. Canga, ninandapacha cushijuilla. Chashna rimachunga, pipash aichata yahuarta charijca, na canman yarichircachu. Ashtahuangarin jahua pachapi tiajuj ñuca Taitami chashna yarichirca.