Popular Bible Verses from MATEO 15

Share

Ashtahuangarin nali shimicunata rimanaca, shungumandami llujshimun. Chaimi runataca mapayachin. Shungu ucumandami, nalicunata rurana yuyaicunaca llujshin. Chaimandami huañuchinajun, cazarashca jahua shujcunahuan causanajun, huainayanajun, shuhuanajun, llullanajun, imatapash nalitallami rimanajun.

Imatapash micushpa langashpaca, ñami juchata ruranchi yanguichiman. Ashtahuangarin imatapash nalita rimashpami, gentecunaca juchayu tucun— nircami.

‘Cai llactapi causajcunaca, shimihuanllami ninanda alicachihuan. Ashtahuangarin paicunapaj shunguca, ñucamandaca carupimi. Ñucataca yangallami alicachinajun. Ashtahuangarin gentecuna mandashcatallami, ñuca yachachishcatashna yachachinajun’ nishpami villarca— nijurcami.

Shina nijpimi Jesusca, chai huarmita cashna nirca: —Canga, aligutapachami crihuashcangui. Can munashcashnalla, ali tucuchun ninimi— nircami. Shina nijpimi chai ushiguca, ña ali tucushca carca.

Ashtahuangarin chai huarmica, Jesuspaj ñaupajpi ñapash cungurishpami: —¡Ñucata ayudahuayari, Apunchi Jesús!— nirca. Shina nijpimi, Jesusca: —Huahuacuna micunajujta quichushpa, alcugucunaman caranaca nalichu— nirca. Shina nijpimi chai huarmica, cashna nirca: —Chashnapachamari capan, Apunchi Jesús. Shina cajpipash huahuacuna micunajushpa jichashcataca, alcucunapash micupanllamari— nircami.