Popular Bible Verses from HECHOS 4

Share

Quishpirinaca, maijan runapipash na ashtahuan tianllu. Ñucanchi quishpiri ushachun, cai pachapi runacunaman cushca, ashtahuan shuj shutica na tianllu— nijurcami.

Chashna mañashca jipami, paicuna tandanajushca pushtuca ninandapacha chujchurca. Tucuicuna Diospaj jucha illaj Espíritu junda cashpami, Diospaj Shimitaca na manllashpa villanajurca.

Jatun Dioslla, paicuna llaquichingapaj munanajujtaca, cunanga ricupairi. Canda servijcunaca, na manllashpa cambaj Shimita villachun ushaita carapairi.

Chai Jesustaca, huasichinata yachaj cangunaca, imapajpash na valij rumitashnami shitashcanguichi. Ashtahuangarin paica, huasi tigranapi churana rumishnami tucushca.

Pedropash, Juanbash na yachajushca, yanga runacuna cashpapash na manllashpami, aligutapacha villanajurca. Shina villanajujta chai mandajcuna uyashpami, ninanda manllarinajurca. Shinallata, paicunahuan Jesús purijushcatapashmi rijsinajurca.

Ashtaca ashtaca crijcuna cashpapash, tucui shunguhuan, tucui almahuanmi, shujllashnalla yarishpa causanajurca. Imatalla charishcacunapash, tucuillapajmi carca. Shina cajpimi, caica ñucapajmi nishpaca, pipash na ninajurca.