Popular Bible Verses from HECHOS 17

Share

Ñucanchi causashpallata, Taita Diosta mascashpa, imashnallapash paita tuparichunmi munan. Ashtahuangarin paica, ñucanchimandaca na carupi canllu.

Shujlla runamandami cai pachapica, maipipash shuj shuj gentecuna mirashpa causanajuchun Diosca rurashca. Paillatami, gentecuna causana huatacunatapash, paicuna maipi causanajuchumbash, ñaupallata churashca.

Chai Diosllatami, cai pachatapash, cai pachapi tucui ima tiachumbash rurashca. Paica jahua pachata, cai pachata Mandaj cashpami, gentecuna yaringapaj rurashca huasicunapica, na tiajun.

Diosca, ñami shuj punllata agllashca. Chai punllapimi, cai pachapi causajcuna imata rurashcatapash ricuchishpa, imatapash cashcatapacha ruranga. Chashna ricuchingapajmi, tucuicuna yachachun pai agllashca runataca, huañushcacunapaj chaupimanda causachirca— nijurcami.

Taita Diospaj huahuacuna cashpaca, orota, culquita, rumita rurashcacunaca, Diosman rijchajpachami nishpaca, na yarinachu canchi. Chaicunaca, imatapash ruranata ali yachaj runacuna aliguta yarishpa rurashcallami.