Popular Bible Verses from Maak 11

Share

Yahi kaaran ham tum se bolta hei, ki jon kuchh tum preya karke maañgo, aur biswaas karo to u tumme mil jaai.

Ham tum se sachche bolta hei, ki jon koi i pahaaṛ se boli ki uṭh ke jaao, aur samundar meñ lag jaao, aur aapan man meñ sandeh nai kari, lekin biswaas kari ki u jon cheej bole hei ki hoi, to u jaruur hoy jaai

Aur jab tum preya kare ke waaste khaṛa hota hei, tab agar tumhaar man meñ koi ke waaste jaran hei to uske maafi de deo. Tab tumhaar Pita jon swarag meñ hei, u bhi tumhaar paap maaf kari.”

Tab Yeeshu chela log se bolis, “Parmeshwar pe biswaas karo!

Tab u samjhaay ke bataais, “Kaa i Baaibal meñ nai likha hei ki, ‘Hamaar Mandir sab des ke log ke waaste preya kare waala ghar rahi, lekin tum log iske chor ke aḍḍa banaay dia hei!’ ”

Aur jon uske aage aage jaawat rahin, aur jon uske pichchhe pichchhe chalat rahin, ulog jor jor se chillaay ke bolat rahin, “Hosaana, dhann hei u jon Prabhu ke naam se aawe hei!

Hamaar bappa Ḍeiviḍ ke raaj aawe hei, uspe Parmeshwar ke aasheesh hoi! Aur Prabhu ke baṛaai hoi!”