Popular Bible Verses from Maak 10

Share

Manush ke laṛka i waaste nai aais ki sab se aapan sewa karaawe, lekin i kaaran aais ki u dusra log ke sewa kare aur sab ke bachaawe ke waaste aapan jaan de dewe.”

Yeeshu ulog ke bagal dekh ke bolis, “Admi log se to i hoy nai sake hei, lekin Parmeshwar se sab kuchh hoy sake hei.”

Tab Yeeshu bolis, “Jaao, tumhaar biswaas tumme achchha kar dees hei.” Aur u jurte dekhe laga aur rasta meñ Yeeshu ke pichchhe hoy lees.

Yahi ke waaste jiske Parmeshwar joṛis hei, uske koi admi alag nai kare.”

Tab Yeeshu uske bagal dekhis, aur pyaar se bolis, “Tum meñ khali ekke kami hei. Jaao jon kuchh tumhaar lage hei, u sab ke bech ke gareeb log ke de deo, aur tumme swarag meñ dhan mili, tab aay ke hamaar pichchhe hoy leo.”

“Tum kon cheej mañgta hei ki ham tumhaar waaste kari?” Yeeshu usse puuchhis. “E guru, ham dekhe mañgta hei,” u añdha admi bolis.

Lekin tum log eise nai karna. Agar tum meñ se koi baṛa hoy maañge hei to u tumhaar naukar bani.

Ham tum se sachche bataata hei, agar koi admi Parmeshwar ke raaj ke chhoṭa bachcha ke rakam apnaay nai hei, to u raaj ke u nai paay saki.”

Bahut log jon abhi aage hei, pichchhe hoy jahiyeñ aur jon pichchhe hei, aage hoy jahiyeñ.”

Lekin jab se dunia bana hei, Parmeshwar admi aur aurat ke banaais hei. Yahi kaaran admi aapan maañ-baap se alge hoy ke aapan aurat ke sañghe rahi, aur ulog ek hoy jahiyeñ. Ab ulog dui nai lekin ek deñhi hei.