Popular Bible Verses from Matiu 16

Share

Kụ ạJizos ạḅeni bụmatuan phọ ọdi mọ, “Oye lọ rạwa ọdaph ạmi asooromi loor ameeraam ḍuugh kụ aḅeton osuom arusu phọ ọdi arool kụ ụdapham ịmi!

Mị ạḅile kẹn rạḅeni nyịna mọ nạ kụ aPita, ẹmhu ịduon phọ pọ aḍighiigh. Omeeraam mọ ạna kụ kaḍighi ḍighiigh dị mị kạmeremiom bụo ạsiosi phọ ạmi. Ghạlamo rꞌaḍuugh bịn kétue ẹka bịdi.

Mị kạngo nyịna ịsabi ọmar phọ kꞌẸnaan, kụ tọrobo ịyaar lọ nạ kamutonaan sịen aḅirini phọ, momutonaan ni ẹpe kꞌạke; kụ tọrobo ịyaar lọ nạ ạloghoma sịen aḅirini phọ, mọlhoghoma ni ẹpe kꞌạke.”

Oye lọ ạmaghami ghuḍum mọ ọdi ịyaar kapiemi ni; kụ oye lọ ghuḍum mọ ọdi ụ́maghami ịyaar loor ẹmhu ạmi kạmoogh ni.

Eeghe ạsuo kụ ẹdi oye kạsighe, dị ạmoogh ẹelha aḅirini phọ kụ aphiemi ghuḍum mọ Ẹnaan ẹngo bọ nyọdi? Kạsighe bọ eeghe kụ aanmeneniom kẹn ghuḍum mọ Ẹnaan ẹngo bọ nyọdi?

Kụ ọdi apuru bịdi mọ, “Nyina rẹḅem aani ghan mọ ạmi ạnhian?” Kụ aSaimon Pita mọ, “Nạ kụ aMesaya phọ, Ọony Ẹnaan phọ edi ghan bọ kꞌagee-pọ.”

Kụ ạJizos ạḅeni nyọdi mọ, “Iboh kꞌẸnaan edianaan ni nyịna Saimon ọony aJona, ịdi eḍighi bọ awe kụ nyịna ịphen úḍeenaan, omuton Ọde phọ ạmi odi bọ kꞌạke phọ.