Popular Bible Verses from LUK 3

Share

Aka na tu ga Jon njɛ atwa ata ubaptizim kpaaŋ, nazhɛ baa njɛ du Jisus ubaptizim. Aka na ti ge Jisus ba nda adua na aba na ta a njɛ bu ubaptizim, nazhɛ azuba bagwụ. Mpiala mi Tijilo mu zwe nu uhiuhiu ubwa gana ikwucime, rụŋhwụŋ ru banɛ du na azuba, rɛɛ hiɛŋ, Gabụ bɛ shɛ Yɛu mi nɛ Omo lubo duwa, amɛ mi kaa lemi na bu tebiye.

Ama ga Jon jishijɛ aŋ hwɛɛ aba, bɛɛ hiɛŋ, Ma hi nda ubaptizim ne meni, ama bụtụ bu ko na n hwuri ikɛnyi be ci ba, N teni shi cɛŋ maa mo tufwurungo okwo ihwehwe ya abida ubwa o. Ubwa zhɛ ma hi nda hwuŋ ubaptizim na Mpiala mi Tijilo keeni nu ulwa.

Na nda ma iyi nɛ zhɛ yo mbisono maa hiɛ jɛshɛrɛgwa-shihaŋsa, ehi genji iwɛwɛ hiŋ. To kwuno ma tumama hiaŋnụ maa, Ga Abraham ubwa shɛ bishi tu o, Mo hi mbiso maa Agwatana eri a bacɛnganɛ Abraham miaụŋ okwo na atayɛ ga!

O shilwo ogwubo ne tini ti i'wɛ'wɛ cebe. Ụ'wụ'wụ we elele na kaa 'weri shi tụ'walụ ti biye, ɛ zhɛ o lo uŋ a kala nu ulwa.

Gana na ti yoo 'nywotwo nu utakada bigesere ga Ayizaya, yɛɛ hiɛŋ, Rụŋhwụŋ ra bụtụ bu ko ra ugaga nụ ụshɛka, rɛɛ hiɛŋ, Hangana ma Agwangwama uhwaŋna, Ndana bu ma ihwɛŋnɛ i tukpororo. Supacanga ma olomu elele kpaaŋ, Hwuŋzotongo ma nshama keeni tikpekwu te elele kpaaŋ, ofwo elele ontongonu, ndarashanga ma maa a nama shiriri, ofwo elele na namɛ kporokporo, nda ma maa a nama gbelee. Iwɛ maa atwa elele kwụbɛ Ubino wa Agwatana.