Popular Bible Verses from LUK 14

Share

Yaa shɛ bụtụ be elele be ci pi mi, bee imi shi bishi bwa, to bino bwa, te biyikwo bwa, ta miaụŋ mu bwa, ta miaụŋ-mo-bino mu bwa, ta angwụfwụ ubwa, tu uraiŋ ubwa ukɛnyi ibwɛ du, asha bi eri shi ba sha biseshi-bi-iyi mi o.

Bụtụ be elele na 'waŋnɛ shɛ ụ'wụ'wụ-ubatanɛ ubwa maa ma n 'wa, asha bi eri shi ba sha biseshi-bi-iyi mi o.

Bụtụ be elele na meme mungicinji, ɛ zhɛ e zucinje bu, ama bụtụ be elele na meme zucinje, ɛ zhɛ o mungicingo bu.

Gobwonu du, yaa shɛ bụtụ be elele na ashashɛ hiŋ genji shi iyi elele nɛ baa 'yajɛ, bi eri shi ba sha biseshi-bi-iyi mi o.

Gaaba na ashashɛ hiŋ na ba jala maa ma tuma tụ 'wụtụ, na zha shɛ ba gɛga tugwo maa imanga ulumo tuba maa kwụba okwo iyi nɛ baa 'yajɛ zhɛ yo hwuwo tuma ta ataa? Shibwonu boo shilwo hwuŋ ukoshilo, yaa shɛ ikɛnyi ibwɛ ci shi maa hwuwo uŋ tuma, atwa elele na kwụbɛ uŋ zhɛ na nda bu asada, ɛ hiɛŋ, Bụtụ ga kwuni tuma, ama ikɛnyi ibwɛ ci shi maa hwuwo tu o.

Ama aka na ɛbi zhɛ ba ima atwa ugaiŋ, ga shɛ okofwo, no okwuturu, na atwa na o shikoto keeni sholubo abu suyanɛ. Iwɛnɛ te e eri shi ma bu tụpana, ama Agwatana ubwa zhɛ ma bu tụpana hwuŋ nụ ụjita tihiɛ ta atwa tiririri, nazhɛ ɛbi zhɛ be gwoje.

Manɛ mɛ shɛ iyi biye, ama yaa shɛ manɛ mu lacɛmɛ shɛ, imbe ɛɛ tɛ zhɛ a nda mu maa mu lacɛmɛɛ? Mu zasa ule na cɛnjɛ kwo kaa nu ubizo, semi tu'waŋ kiri ɛɛ zhɛ a 'waŋ mu no tupohondo. Bụtụ na 'yajɛ acɛbɛ, ga hwuga.