Popular Bible Verses from JON 14

Share

Amɛ-olom Ngɛɛ zhɛ ma hi gangana, amɛ-olom mi aba Ama hi pana. Shɛ gana na tu unyizo wa pana bụtụ Ama hi pana o. Kede shihwulu shi hi horukono, ta nda ma du kaa okwo inyɛsɛ o.

Ge Jisus jishijɛ bụ, bɛɛ hiɛŋ, Gamba n shɛ uhwaŋna, ti iwɛ-tɛkana, tu uraiŋ ata. I zasa bụtụ be elele na eri bo to pe Bishi mi ti yaa shɛ bee duri shi pi mi o.

Ge Jisus hiɛŋ eseshi-iyi ubwa, Kede shihwulu shi hi horukono. Hiɛ tɛtanɛ Agwatana rishe, n tɛtana ma du rishe.

Bụsụmɛ-bu-uno na shɛ Mpiala mi Tijilo, na Bishi zhɛ ba tumwanɛ ni izeci mi, ubwa zhɛ mo hi mbisogono iyi elele, bɛɛ zhɛ kaa du ne hi teyingeni iyi elele nɛ Ngee hi mbishi.

Bụtụ na 'yajɛ onu-tupana mi, na kaa ba hwuga-unu wa aba, asha ubwa mo n lubo. Bụtụ na kaa mo n lubo, Bishi mi zhɛ bo lubo bu du, Ngɛɛ zhɛ du mo lubo bu, Ngɛɛ zhɛ kaa m momo mbisono bu caakwụ.

Gamba n zhɛ ma lụpa Bishi nazhɛ bɛɛ zhɛ ma hi panɛ bụsụmɛ-bu-uno bi nya na zhɛ ba nama ne hi unyizo-nom. Ubwa shɛ Mpiala mu na mo mbisono atwa gana na Agwatana shɛ, mu na kaa unyizo eri shi wa lashɛga, iwɛnɛ tu unyizo hieci shi bu, unyizo kaa mepi shi bu o. Ama hi mepi bu, iwɛnɛ tu baa namɛ ne hiŋ, bɛɛ tɛ zhɛ kaa ba nama na shɛmɛ shi hiŋ.

Iyi elele nɛ kaa ɛhi zhɛ hia lụpa ni izeci mi, N zhɛ ma hi ndana iŋ, iwɛ maa Bishi 'yaga ụjɛrụma tedure ni Yɛu. Yaa shɛ ɛhi zhɛ hia lụpa iyi elele ni izeci mi, N zhɛ ma hi ndana iŋ.

Yaa shɛ ehi n lubi, hi zhɛ hia hwuga-unu onu-tupana mi.

Ohwolu tuzwono barɛ ba ni ihwɛ Bishi mi. Yaa ga shɛ shɛ gana ata, N gɛ zhɛ mo hi mbiso, ama N zhɛ mo hi hwulono maa Ma hi imangana ohwolu.

Yaa shɛ Ngee zhe Ngaa hi imanganɛ ofwo, N zhɛ ma zhajɛ sasana, maa Mo hi sugo pi mi, maa hi nama du no ofwo ata Ngaa namɛ.

Go Tomas hiɛŋ bụ, Agwangwama, ti mepi shi kaa ofwo ata ɛbi zhɛ, gana na ɛti zhɛ ta mapa ya uhwaŋna wa abaa?