Popular Bible Verses from MARCOS 10

Share

Imaraykuchus ajinallataqmi Nuqa runapaq Churimpas manam kaypachaman jaywachikuqchu jamuni, manachayqa tukuy runakunaman jaywanapaq jinallataq paykunarayku kawsayniyta qunapaqmi kaypachaman jamuni –nispa.

Jesustaq paykunata qhawkataspa ajinata jaynirqan: –Chayqa runakunapaq manam ruwakuyta atinchu, chaywampas Diospaqqa ruwakullanmi, imaraykuchus paypaqqa tukuy imapas atikullanmi –nispa.

Jesustaq payman ajinata nirqan: –Puripuyta atinkim; iyaw nisqaykiraykum alliyachisqa kanki –nispa. Chay kikin pachapim chay ñawsa runaqa qhawatatapurqan, jinaspataq ñanninta Jesuspaq qhipanta puriykupurqan.

Ajinaqa, Diospaq qhariwarmita ujman tukuchisqantaqa manam pi runapas wijch'unachiyta atinkumanchu –nispa.

Jesustaq ancha munakuywan payta qhawkataspa ajinata jaynirqan: –Uj ruwaytam manaraq junt'achkankichu: Puriy, jinaspa tukuy ima kaqniykikunata ranqaramuy, chhikamantataq mana imayuq wajcha runakunaman qumpuy. Ajinamanta janaqpachapi tukuy imayuq qhapaq kaqniykikuna kanampaq. Chhikamantataq jamuspa nuqaman qatimuway –nispa.

Jesustaq ajinata nirqan: –¿Imatataq qanrayku ruwanayta munankiri? –Nispa. Ñawsa runataq ajinata payman jaynirqan: –Yachachiq, wajmanta qhawatatarichiway –nispa.

Chaywampas qankuna chawpipiqa manam ajina kananchu. Astawampas, qankuna chawpimanta pichus kurajkaq kayta munan chhikaqa, wakinkunamanmi jaywanan

Sut'inta niykichis, pichus kay wawakunajina Diospaq qhapaq suyunta mana jap'iqachkan chayqa, manam chayman waykuyta atichkanqachu –nispa.

Chaywampas achkhayuq kunan p'unchaykuna kurajkaq kachkanku chaykunaqa achkhayuqmi qhipapi kapunqaku; jinallataq pikunachus kunan p'unchaypi achkhayuq qhipapi kachkanku chaykunaqa kurajkaq kapullanqakutaq –nispa.

Chaywampas, kaypacha qallarikuypiqa, ‘qharita jinataq warmitawan Diosqa iskayninku kawsakunankupaqmi ruwarqan. Chayrayku qhariqa tatanta jinataq mamantawan saqinqa, warminwan ujlla kapunankupaq, iskayninkutaq uj runamanjinallam tukupunqaku.’ Ajinaqa manañam iskayñachu kapunku, manachayqa uj sapallamanmi tukupunku.