Popular Bible Verses from Meŋiigíe 2

Share

Píele go bó gundie a amɔ́: «Núgíe nɔnɔ gɛɔyɔ gɛ́nyɔ́, uŋkimée a béyuminye go ufíno yá Yésu Kilítu goŋaá Asaŋa a nyó héehinye bɛlɔgɔ bɛ́nyɔ́. Hɔ́ɔlɔ́ gɔ́ɔ no gaá ná bɛáa pááná ya Asaŋa, ɛ lɔ́mɔ́ Gimmúmpúu gá Giliíli.

Bá mba lɛ́ bá bííŋenene go go ɔ́bɔnɔ gohúunenye gá baapótɛlɛ. Bé ebinye ebinye aŋa bolimóní. Bá nyáanya émmué, bá bósógolonyo olɔŋɔ.

Gɔ́ɔ Gimmúmpúu gá Giliíli a dómbamɔ́ go hóogo boolímínyí biimée, bá báa lɛ gó bayɛga go gálagala dogálɔ dúncodío, aŋa Giliíli a mbaá lɔmɔ́ a bó fáanana bogaaga bá go gálagala.

Hɔ́ɔ na hɔ́ɔ, giuŋgúlú go báŋa gɛ́ ɛ́da go úlene naá mmoɛná, giuŋgúlú gɛ́ɛgɔ gɛ́ fóanɛna aŋa gɛantáanta gá ufufu gɛ́ɛgɛ gɛ́ úlenemú na bogaaga, gá gɛ́ go hóogo naá nnyaŋá yɛ́ɛyɛ bá mbaá lɔmɔ́ kɔ́ɔ. Kɔ́ɔ bɛ́ ɛ́namɔ́ boóma bó fóanɛna aŋa bɛlɛ́mbɛ bá íyuke bɛ́ɛbɛ bɛ́ mbaá lɔmɔ́ bɛ́ báádona, bɛ́ badɛmana gímmue go gímmue naá onyɔ moánɛ. Gɔ́ɔ Gimmúmpúu gá Giliíli a dómbamɔ́ go hóogo boolímínyí biimée, bá báa lɛ gó bayɛga go gálagala dogálɔ dúncodío, aŋa Giliíli a mbaá lɔmɔ́ a bó fáanana bogaaga bá go gálagala.

Ukelú yúmmue, bá mbá lɛ́ miisí miimée, bɛ́ ɛ́da bábánda naá Nnyaŋá ya Asaŋa kanɛ go súge, bá mba lɛ́ bá nyáanya olɔŋɔ yúmmue naá nnyaŋá sábɔ́ na bɛyaŋa tɔ́nɔ na odɛ́má yá lɛbɛlɛbɛ. Bá mba lɛ́ bá búlugenye Asaŋa, batɔ biimée bá bó maamana. Kɔ́ɔ Daadáa a mbaá lɔmɔ́ a gídenine miisí miimée naá olɔŋɔ yá boolímínyí batɔ báaba a mbaá lɛ bó sódíolú.

“Mammana, Daadáa Asaŋa o oya a amɔ́: naá medúgú má go súgudinye, ka ŋga fáá mɔtɔ uŋkimée Giliíli bamɛ, kɔ́ɔ bahaŋa na babóla bɛ́nyɔ́ bá ŋgaá húményée dogálɔ dá nɛɔsɛgɔ. Tɔmbɔ́ɔ sɛ́nyɔ́ sɛ́ ŋgɛ ɛ́nánáa biínigie. Gɔnɔ́ bilunú bɛ́nyɔ́ bɛ́ ŋga bɛanánáa ndɛmá.

Biimée báaba bá mbaá lɔmɔ́ olímínyóolú bá mba lɛ́ báladáalú, bé ebinye ebinye buimée bɔ́ɔbɔ bá mbaá lɔmɔ́ na bɔ́. Bá mba lɛ́ bá dúenene cí sábɔ́ na moóma mɔ́ɔmɔ bá mbaá lɔmɔ́ bá bɛanana, bá lɛ go ɛ́da go dáŋabana muinyí mɔ́ɔmɔ mó húmemú hɔ́ɔ, onyɔ moánɛ a bɛa aŋa masɔ́mɔ mɛ́hɛ́ má lɔ́mɔ́.

Gɔ́ɔ kanɛ́ mɔtɔ uŋkimée mɔ́ɔnyɔ a ŋgaá buŋé ufíno yá Daadáa a ŋgɛɛ́ ɛ́ná gɛɔyɔ.”

Buisí bó ŋgo obá mbíno, ofɛ́ yó gunde bɛ́lɛ́ŋɛ́ bɛlɛŋɛ aŋa manɔ́ŋɔ́, naá busío goŋaá gɛantáanta gá buisí bá nigúmi bá Daadáa bó úle.