Popular Bible Verses from Yɔhánɛsɛ 17

Share

Kɛ́áka ɔwá bá bámɛ́nɛ́ná bíndíə́tɔ́ ɔ ɔwáwɔ ɔ tɔ́mbákɛna na yáwɔ́á taká, yáwɔ́á ɛtambá yɛ́ lɛa taká.

Buɔmɔ́ bɔ́ ikúílíə́kimə bɔ́ báka ɔwá, bá aŋɔ́á mánya, ɔwáwɔ á Huɛlɛ́ bíbúə́ yɛ taká, na Yə́susu Kilísitusu ɔ ɔmanya ɔwá ɔ́ ná lɔma.

«Tátá ɛlɔ́áyɛ́ əbú bíbúə́ mɛ ndɔ bɛ́kálɛ́na, mba, ɛlɔ́áyɛ́ bááyɛ́ ɔbá bá ŋɔ níə́búə́ nɛkɔmba tálɛ́na ɔ ɔwámɛ nyɔnɔ na bíə́búə́ bɛtambá. Mɛ ndɔ bɛ́kálɛ́na ɔwá, bəkimə bá bámɛ́nɛ́ná mɔndɔ ɔmɔtɛ́. Á Ába, ɛ́sɛ́á ɔ lɛ́á tɔanátɔ́ na mɛaŋɔ́á na aŋɔ́á, bá bámɛ́nɛ́ná tɔanátɔ́ na bəsú. Bá bámɛ́nɛ́na mɔndɔ ɔmɔtɛ́ ɔkɛaka ɔwá, bɛndɔ bá misí bá lumínə bá sɛ́á ɔ ná mɛaŋɔ́á lɔma.

Mɛ lɛ ndɔ aŋɔ́á bata ɔwá ɔ bəə́bu húlíə́ ɔ misí, mba, ɔ́ bəə́bu tə́tə́kə́níə́ hata na Mɔbɛ́á.

Ɛlɔ́áyɛ́ ámɛ, mɛ ná bəə́bu tuúmə índíə́ ɔtɔ́á ɔ ná mɛaŋɔ́á índíə́ ɔkɛaka ɔwá, bá bámɛ́nɛ́ná mɔndɔ ɔmɔtɛ́ ɛ́sɛ́á tɔ́ əsú lɛ́á mɔndɔ ɔmɔtɛ́. Mɛ ndɔ niŋə ɔ uwəbú nuúmə́, ɔ ndɔ niŋə ɔ ɔwámɛ nuúmə́ ɔkɛaka ɔwá, bá bámɛ́nɛ́ná ɔ nɛtɔana nɛ́ hɔ́ánánátɔ́, bɛndɔ bá misí tɔ́na bá manyá bá sɛ́á ɔ ka mɛaŋɔ́á lɔma, ɔ ndɔ bəə́bu hikiə tɔ́na ɛ́sɛ́á ɔ ndɔ mɛaŋɔ́á hikiə.