1
Mat 26:41
Ŋwaale Feyin; Kelek Kefɛɛ
Ghɛn yɛ chiy gese jeme, ka ghɛne jia fɛy se məme ɛymomse. Ghɛn yɛ ke ge ɛyteme koŋe se yɛ nɛɛy ɛyfɛl ɛyjuŋe, dî nɛ əbghune kwene.
Compare
Explore Mat 26:41
2
Mat 26:38
Əb me suuy se ghene ge: Kenəə kelee foo ngɛk ɛ mɛ ɛytem nɛ lòó ke yuy mɛ. Ghɛn yɛ lu fɛn, ɛ mɛ ɛybee keke.
Explore Mat 26:38
3
Mat 26:39
Əb suuy dì, è me lòò, è keŋte ndu ɛ mbiy se ɛylaay, è təm əblɛɛ ɛ ntiɛ è jem ge: Ba ə wom, loo lu nɛ lòó wɛ̀ nɛɛy ge ghàà mɛ nəə ɛ te əbbome ngɛkse ghan, wɛ̀ nɛɛy. Dî, nɛ ghàà nɛɛy ɛ mɛ ɛykoŋ, nɛɛy ɛ wɛ̀ ɛykoŋ.
Explore Mat 26:39
4
Mat 26:28
lu əmnduŋ mə mom mɛ kum kelek [kefɛɛ]; əm lɛŋ bek ghel se ɛydio ka Feyine lɛyse mbeese ghen.
Explore Mat 26:28
5
Mat 26:26
Ghene loo yiɛ, Jesus liɛ ntuke keban ɛylee, è bɛ̀ɛ̀lè Feyin, è bɛkte è fo se ghon-ɛyfɛl nə wene, è suuy ge: Ghɛn ko, è yiɛ, lu əbghun ə wom.
Explore Mat 26:26
6
Mat 26:27
Jesus me gese liɛ əbbom əmnduk, è bɛ̀ɛ̀lè Feyin, è gese suuy se ghene ge: Ghɛn ko, è nəə naa ghel ɛjim
Explore Mat 26:27
7
Mat 26:40
Əb jem dì, è me kase fiile, è ndu bene fɛ ghon-ɛyfɛl nə wen ghɛ ɛtal ghii nè luun, è yɛn nɛ ghene buunee. Əb me bif se Bita ge: Lɛ lu ge kè lòó ghɛn jia yɛ kek jeme ghɛsen kɛn naa se chuy ɛymok-a?
Explore Mat 26:40
8
Mat 26:29
Ghɛn keele ge mɛ jia bo yî kase nəə əmnduk min se chin se ka mɛ yî yɛ nəə kefɛɛ ghɛsen, nɛ ba ə wom se sake əbfon ə wen.
Explore Mat 26:29
9
Mat 26:75
Əb me kuume kenəə kɛ Jesus nè suuyen ge: Lumngvəə nɛ̂y yɛ ghan ge əb toŋ, nɛ wɛ̀ maamen mɛ kaŋ ɛtal. Ka Bita kuumen dî, è me nyiake teem jii bɛy, è kɛ̀sèn nɛ̀ ɛydiye.
Explore Mat 26:75
10
Mat 26:46
Ghɛn loolé, é ghɛsen yɛ ndu. Wel wɛ əb feenen mɛ se gwiye.
Explore Mat 26:46
11
Mat 26:52
Jesus kɛy, è suuy se wen ge: Kase vii fiak ə viɛ se əbkuu. Yɛɛ ke ge naa ndɛ wɛ əb chóken fiak lu nɛ əb nɛ̂y kuo ɛykuo nɛ ɛy ko chia nɛ lu ɛ fiak.
Explore Mat 26:52
Home
Bible
Plans
Videos