Popular Bible Verses from Mɑ́lɛ́kúshi 4

Share

A jʉɔmɛ, ńcʉ̈ɔ́k fɛfʉ̈ɔt pɔ́p ŋki, ńcú ŋɡɔ: «Ɛ́ kuꞋ pɑꞋɑ, pʉʉ nɑ́Ꞌ!» Fɛ́m ɡɔ́ɔ ńzɑ́Ꞌnɛ, ŋki pɔɔ pɛn ńtsʉ́Ꞌnɛ pɔ́. A ɡɔ́ɔ ńcú mbɔ̌ ɡɑŋku pɛ́ ŋɡɔ: «pʉʉ zɛɛ ḿbɔ́k kʉ̈ɔ́, pʉʉ fɑ́ɑ ḿbɛ́t pɔ kɛ́ zɑ́p tʉ́m nǔu mɔ kɛ.»

Pɔ́p ŋ́kẅiꞋ ńcʉ̈ɔꞋ, ḿbɔ́ ńcú tsɛtsɛt pɔ́p ŋɡɔ, yɔ lii-ŋu pɔ́ pɔ ŋɡɔ́ku? Tɛ mbɑ fɛ́m pɔ́p ŋki zúꞋ ntsu wɛ́?

Yɛ́su pɔ́ nzʉʉ, ńjʉ́ɔꞋnɛ nǔu yúu ḿbɔ́ ńdɛ́, ɡɑŋku pɛ́ pɔ́ jʉɔmɛ wɛ́ ńcú ŋɡɔ: «Ndɛ, ńjí ŋɡɔ ɔ kɑ́ pɔ́ ńjʉ́ɔ pɑꞋ pɛkŋɛ ɡʉ ḿpfú lɑɑ pɔ́ kɛ?»

Yɛ́su pɛn ńcú mbɔ̌ pɔ́p ŋɡɔ: «Pʉʉ lɑɑ ńzẅíꞋlɛ nu-Sɛ́ pʉʉ zúꞋ tɛ ńzúꞋ. Nu yi pʉʉ niitɛ ńzúꞋ sʉ́Ꞌnɛ, ndɛn ẅi ŋu lɔknɛ ńníꞋ tú ńzúꞋ nu-Sɛ́, ɛ́ yɛ́t lɑ́ ɑ ɡʉ ńdɔk ŋ́ɡɑ́ jínu mbɔ̌ ŋɡɑŋ, tɛ ḿbɛn ŋ́kẅiꞋ.

Yɛ́su pɛn ńcú ŋɡɔ: «Nɛfɔɔ-Sɛ́ pɔ́ pɑꞋ mbiyúu mi ŋu mɑꞋnɛ nɑŋ yɛ́ lɑ́, ɑ pɔ́ tɛ ḿmɑꞋ, ŋ́ɡʉ, kɛ ɑ sɛ́ ńdɛ́ lɛ́nɛ ɔɔ, kɛ ɑ kɑ́ pɔ́ ńdɛ́ pɔ́ ɔɔ, mbɔ yúu sɛ́ ŋ́ɡúꞋ nɛnɛm pɔ́p nɛtúꞋ, ɑ pɔɔ jí yúu mi ɛ́ ɡɛnɛ lɑ́ ɛ́ ɡú pɔ́.

Ŋu lɑɑ ŋ́ɡẅɛɛ mɛtúutɛ́ nɛlɔk ńzúꞋ nu, ɑ zúꞋ.»